1 Koriniti 4:6 - BAṈARA KO VAIRU AMA LEVELEVEO

⁶ A qaka ni visi poso, aṉata a rikieka komi quli a ṉavi ni Apolosi ko kaseqelako quli tu a dauvemelo me tu eqeta meko mamola jari qe elo, tu eqe kale meta me vakakatou ko bazu ko kasekako quli, eri kikolako, “Meta luluekomo ko korokoroti ama bazu poso.” Puliala ṉa ta ṉovai rauraraurailou kala maba mata kala kasi azo.

1 Koriniti 4:6 교차 참조

Iruruputo 18:24

Ni koa taku keru inio kala Jiu ala Apolosi o ṉi sala, Alekezadaria o alileni, ta o kuevake Epesasi peuru kale. Vota kala nianiiola maba ni o uria patapataekani ko Tabu ama Riki.

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

1 Koriniti 1:12

Eri nio ko aṉa so ka kialani. Kala ta so kiola “Aṉata a lulueva vo Paula” kiola. Mata kala ta “Aṉata a lulueva vo Apolosi” kiola. Mata kala ta “Aṉata a lulueva vo Pita” ni mata kala ta “Aṉata a lulueva vo Karisito” kiola.

1 Koriniti 1:19

Ako Tabu ama Riki ta so kikola sole, “Aṉata a dokolikou se nianiiomu ma kikelani ko vatolo, zio, aṉata pulia quli a ikou seko nianiio,” kikolani.

1 Koriniti 1:31

So sole, ko Tabu ama Riki kikolani jari, “Vo oka zariani rauraraurailo ta maba o rauraraurailou vo animevo Lekasa o erekema quli kale.”

1 Koriniti 13:4

Se maba poso ke roquanani ta nodenode amu ni baise amu; seta pui ke konoivani ni pui ke aikaivani ni pui ke raurarauraivani.

1 Koriniti 3:19

Ako komia peuru ma peuru kale ama maba poso nianiio ka kikelako ta sarube ikio vo Baṉara ko kelokelozato kale. Omadeuvo ko Tabu ama Riki kikolani jari, “Vo Baṉara ta o ubeubema se nianiio mu seko matuma roverove kale; omadeuvo vo maba ta o tulumuka ko biaṉa sipata kale jari;”

1 Koriniti 3:21

Sokale avo inio pui ko male tu kala ta okai raurailo kala maba o erekako quli. Ako koko tuveano ta sea kiadamu ta me ke tauvemelani mela inio sole,

1 Koriniti 5:2

Koa matuma boutare ta kobeta ereiva mekasi, melai inio meta meda raurarauraivani mela! Meta me male tu komia kalo ta duki ko imelo, ni voa maba vo o erekani ko quli ta saqorivomo meko lotu qoqono kale azo.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

1 Koriniti 9:23

Aṉata a ereka koa kiadama tu ko Uri ama Bazu ta ko aerou, tu se sase aṉata aqai zomanou kovo koa mauruto poso koko kuevako seke luluekani koa Uri ama Bazu kasi.

2 Koriniti 10:12

Ako eṉeta pui ṉe male tu eṉeta ṉe mati podetio seke raurarauraivani. Ako seta sarube amu sole! Seta keka raurarauraiva ke ṉaviko iruruputo ni ke zarazaraeka edolomu ko iruruputo.

2 Koriniti 10:15

So sole eṉeta pui ṉeba kai rauraraurailou edolomu ko iruruputo vo Baṉara pui opa ṉelati soroekema eṉe. Melai eṉeko zario ta meta me rapukou meko oqu kale ni eṉeta ṉe roveovou ereko mata kubo iruruputo mekasi.

2 Koriniti 10:7

Meta meda la kea aṉako saevo koko topi ama pala. Kala ta inovoana sai vo so kiolani, “Aṉata Karisito vo lala,” kiolani kio? Soala ta o male tu mata o uria paqumuko ko aṉa melai vo Karisito ko lala kio.

2 Koriniti 11:4

Ako meta meqai zoleiva viqo kama lipalipa kama bazu Jisu ko kasevako kama maba poso kasi seke kuevani mekasi, ko pui aṉa lula aqai bazubazutako mekasi, ni meta meqai zoleiva edoloma auvana ko bazu ko se Tabu ama Auvana ka kikelako, ni meqai zoleiva edoloma lotu bazu ko se Uri ama Bazu ka kikelako, ko eṉe pui ṉeba melai bazuekema!

2 Koriniti 12:19

Esa meko kerukeru kale ta aṉata a ṉavi ada kerukeruiva komia pesipesi kale esa kimela. Pui! Aṉata a besia uri ama vatolo kale o ṉavi Baṉara ko tanama kale, aṉako va nabuluputo kale vo Karisito, ni kiadama quli aṉa abe kasekako quli, ta meko tauvemelo kaqe, a lolo poso mela.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

2 Koriniti 12:6

Aṉata aqa zariovou rauraraurailo tea, aṉata pui aba sarube putou, ako tuveano ikio aṉa a qaseko ama quli sole. Melai aṉata pui aba rauraraurailou, ako aṉata pui aqa zaria tu maba poso ta ke raurarauraelou aṉa sole. Aṉata aqa zaria tu seta keta la paṉaovou aṉa ko se keta la keako ko aṉa a erekako quli kale ni ko se keta la viqani aṉa kialani kale sole.

2 Koriniti 4:15

Ako koa kiadama eṉeko tapata poso ta meko tauvemelo kaqe sole. So inio vo Baṉara ta kobeta ziovou pakiemo matu kubo madu voko pakiezato sama roquano kale ni vota o odiemou sea kiadamu tu seta ṉaṉaidara ke ivou vo Baṉara seko kativo kale seko uriavo seko vararaito kale.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

1 Tesalonaika 1:5

Ako eṉeta ṉe qati kueva vo Jisu ko Uri ama Bazu mekasi sole, pui pesio kale pala ko kiada, melai vo Tabu ala Auvana ko pizato sate, ni eṉeko matu vinavina kai keru koa Uri ama Bazu ko tuveano sate. Ako meta meqai nianiia eṉeko kalo so keru eṉe ṉe eve keru mekasi ta ko tauvemele me.

2 Timoti 2:10

so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.