1 Koriniti 3:9 - BAṈARA KO VAIRU AMA LEVELEVEO

⁹ Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

1 Koriniti 3:9 교차 참조

Matiu 15:13

Nio vo Jisu ta eri kiolake, “Kiadama papapapa poso aṉavo aukale ala Mama pui opa papakema ta ko rabuilou muli.

Matiu 16:18

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

Matiu 9:37

Ni vota eri kiolake o ṉaviko disaipeli madu kasi, “Matu kubo madu ta ke inainaova tu ke tuvevo puelo aṉa, melai pui kubo madu se kepa tauvemo amu. Omadeuvo jari nio koa epa ta kubo, melai pui kubo madu seke kajorani.

Maka 16:20

Ni koko tova inio se disaipeli madu ta ke olake kiadama zae poso kale ni kekai bazubazutake ko Uri ama Bazu sai. Ni vo Lekasa Jisu ta o tauvemake se, ni ko quli se kekai bazubazutake quli ta oma mamola puekake koko tuveano. Ako koa omadeuma taku kale inio seta ke erekake sole ko aqasiele ama iruruputo voko pizato kale.

Iruruputo 4:11

Vo Jisu inio voa lado vo eri va kikeveni ko Tabu ama Riki, ‘Ko lado se pade ke erekani kekai keduima ta qulepo ama lado kota eva erisaṉa kiadama lado poso azo,’ va kikovema.

1 Koriniti 3:16

Meta pui nio me baqumuka ko me inio vo Baṉara ko Jelepade mela ni ko Baṉara ko Auvana ta ko melai loiva me, kio?

1 Koriniti 3:6

Aṉata a bapakeni lala meko oqu ko rui, Apolosi ta o sitekeni koa papapapa jukale, melai vo Baṉara inio o qotupikeni.

1 Koriniti 6:19

Meta pui meqai nianiia ta meta vo Tabu ala Auvana ko Jelepade mela inio, vo o evani meko bulo kale ni vo Baṉara o katimeleni me kio? Pui meko mela inio ko me, melai vo Baṉara ko mela.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

2 Koriniti 6:16

Ni vo Baṉara ko Jelepade kale ke ilusatani ta mata beku poso ke ilusikani nio, kio? Ako anime inio vo saevola Baṉara ko Jelepade mela! O ṉavi Baṉara kiovevo jari, “Aṉata a erekou aṉako zae a ṉaviko maba poso kasi ni aṉata a loilou se sate; Aṉata sevo Baṉara a elou, ni seta aṉako maba madu ke elou.”

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Kolosi 2:7

Meta rakimatomo ni vinaekomo meko saevo vo tona, ni pizatomo meko oqu kale, ko lula me viqema nianiiekato jari. Ni meta kativomo vo Baṉara meko uriavo kiadama quli kale.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

3 Jone 1:8

So sole anime lotu maba mela inio me dauvemou soama maba madu. Ni so keru me erekou keru koa iruruputo animeta me mati puarikinia inio se tuvevo ama bazu ko iruruputo kale.