1 Koriniti 3:5 - BAṈARA KO VAIRU AMA LEVELEVEO

⁵ Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

1 Koriniti 3:5 교차 참조

Matiu 25:15

Ni vota o katimake se koa takula, o mati luluekake katimo seko nianiio ko kavani. Nio vota o kativake kala sike vuro takula ni mata kala ta o kativake omuqa vuro, ni mata kala ta o kativake omadeu vuro. Ni vota ota olake vaṉama peuru kale.

Luke 1:2

Seta ke rikieke ko quli sea maba poso kuleto kekai nianiiekateni komia Uri ama Bazu ke vilu kale ke kevema quli koko tanitanila kale, ko se kekai bazubazutema eṉe kasi.

Jone 3:27

Nio Jone ta eri kiolake sekasi, “Kota uri. Vo maba ta o rovea kovo ni ereko vo Baṉara o kativake quli pala.

Iruruputo 18:24

Ni koa taku keru inio kala Jiu ala Apolosi o ṉi sala, Alekezadaria o alileni, ta o kuevake Epesasi peuru kale. Vota kala nianiiola maba ni o uria patapataekani ko Tabu ama Riki.

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

1 Koriniti 12:28

Vo Baṉara ta lula o vaemela animea kiada mela me ṉaviṉavi ko zaekale voko lotu qoqono kale. Kuleto ta se apositolo madu, omuqama pado zaekale ta o vaema se poropita madu, ni zouke ala pado zaekale ta o vaema se nianiiekato ko maba madu. Koko tova ta se aqasiele ama iruruputo ko maba poso, koko tova ta se urikato ko maba poso, ni seke tauvemani edolomu, ni seke korokorotimani se lotu qoqono azaazama iruruputo kale, ni se kekai pesiani pui kekai nianiiako pesio kale.

1 Koriniti 16:12

Animevo lolo Apolosi ko bazu ta eri nio. Aṉata lula a matu zuvariva vo tu vota o lulupato kake animeko lolo poso kasi tu vota o zio mekasi. Melai vota pui oka zaria tu vota o lulupato komia taku kale. Melai so keru vo o kelou keru kama rora inio vota o ziovou.

1 Koriniti 3:10

Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.

1 Koriniti 3:22

Paula melai, Apolosi melai, Pita melai; ni kiadama quli ta mata meko ikio sole; komia peuru ma peuru, ni noqola kama saevo ni voukale azo ama pakio, komia erisaṉama taku ni ko kilo ama taku.

1 Koriniti 3:7

So sole aṉa a bapatani lala ni vo o sitezatani jukale ta pulia quli qela, melai vo Baṉara vo o qotupikani ko papapapa inio matula.

1 Koriniti 9:17

Aṉata a erekani lala aṉako iruruputo a ṉaviko vatolo kale tea, a roveo nio kovo ko tabara; melai vo Baṉara ta o lati sorueka koa koidi tu aṉata a erekou komia iruruputo.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

2 Koriniti 4:5

Ako eṉeta pui ṉeqai bazubazuta ṉe ṉavi kale avo melai eṉeta ṉevai bazuta vo Jisu Karisito inio Lekasa kio, ni eṉeta meko nabulu poso ṉela vo Jisu ko kio kale sole.

2 Koriniti 4:7

Ni eṉe lula ṉe qoani ṉela komia Baṉara kasi azo ama bazubazuto ko iruruputo ta omadeuvo ko kiada keru ama miduku raro koko teamukako ko qulepo ama jiku jaria ṉela, tu kasa koma elo se maba poso ko Uri ama Bazu ko pizato ta Baṉara kasi azo ama ni pui eṉeko pizato.

2 Koriniti 5:18

Koa kiadama ta vo Baṉara ko iruruputo, vo o ṉelati odouveni eṉe voko kana madu ṉela ni voko baerebaere poso o iṉeleni eṉe, ni o katiṉeleni ko koidi tu mata kake ta voko baerebaere poso ṉe imo.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

2 Koriniti 6:4

Kiadama quli kale eṉeta lula ṉe qasa pueka eṉeko va nabuluputo vo Baṉara ko eṉeko kai pataito kale ko tapata poso, ni eṉeko tolailo kale, ni eṉeko olaquavo kale.

Epesasi 3:7

Ni vo Baṉara ko roquano sama puaro kale inio vota o puarike komia koidi aṉa kasi, inio aṉata nabulu a eve tu aqai bazutou ko Uri ama Bazu. Ni vo Baṉara inio o katile koa roquano sama puaro o ṉaviko pizato kale.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:25

Aṉako ka nabuluputo ko lotu qoqono ta lula Baṉara olai pitoekema aṉa tu a dauvemelo me aṉa kai bazubazuto kale pado ama vo Baṉara kasi azo ama bazu.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.