1 Koriniti 2:6 - BAṈARA KO VAIRU AMA LEVELEVEO

⁶ Melai aṉata a qaseka ko raura kama nianiio ko bazu se piza kama oqu samu kasi, melai kota pui komia peuru ma peuru ni koko lekasa poso ka kikelako nianiio, seke noqola tolailo amu.

1 Koriniti 2:6 교차 참조

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

Matiu 19:21

Nio Jisu ta o vati tiorikake, ni eri va kiolake, “Ṉota ṉoqai zaria matu uri ama maba ṉa elo, sole ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi. Saita inio ṉo luluelou aṉa,” kiolake.

Matiu 5:48

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

Luke 16:8

“Ni koa kalo vo o erekako kale avo inio vo lekasa ta o rauraevake voa lipalipa kala vailo ko maba voko roverove ama kalo kale. Aṉata aqai bazubazuta ko quli ako komia ruqe ama peuru ma peuru kale ama maba poso ta roverove amu ni kemai paloasa se Baṉara ko zakaremu kale ke evani seko korotiko kale ke ṉaviko uri sole.”

1 Koriniti 1:28

Vota o pitoemele anime kalo pidea mela ni kedukedula mela mela kikelani komia ruqe ama peuru ma peuru kale amu, ni anime se pulia quli jaria kerukeruemelo ke evani inio vota o pitoemele tu vota o niumaekou ko quli komia ruqe ama peuru ma peuru kale ama maba poso raura kama ka kikelako quli,

1 Koriniti 12:8

So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 2:1

So keru aṉa a melai kuevi keru me, a qaka ni visi poso, tu aqai bazuto ko Baṉara ko mutamuta kama tuveano, aṉata pui aba kai pesi ko tapata kama keve ni raura kama nianiio kale.

1 Koriniti 2:13

So sole animeta pui meqai bazubazuta koa vo o katimelo ama quli komia ruqe ama peuru ma peuru ko nianiio kale, melai vo Baṉara ko Auvana kale inio, so keru anime me zakaremu pueka keru voko Auvana ko tuveano se lula ke koani voko Auvana kasi.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

1 Koriniti 3:1

Melai a qaka ni visi poso mela, aṉata pui aba roveovi melati bazueko ko Uri ama Bazu omadeuvo se kiada keru ke zorikani vo Baṉara ko Auvana jari kasi. Melai aṉata a melati bazuekake omadeuvo meta komia ruqe ama peuru ma peuru ko mela jari inio, ni silo mebeta evani mela vo Karisito vai oqu kale.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

2 Koriniti 4:3

Ako koa Uri ama Bazu ko eṉe ṉeqai bazubazutako ta mutamuta kama ko elou ta, kota mutamuta kama ikio sea maba poso kasi seke olani noqola tolailo kale.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

Hiburu 5:14

Seke kuani ko zokele ama sailao ta se muqaroma maba madu nianiio kale inio, seke roveani pitasiko ko uri ni ruqe seko iruruputo kale.

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

Jemisi 3:15

Soama kalo ta pui ko kuevako vo aukale ala Baṉara kasi azo. Kota se komia peuru ma peuru kale amu vo Baṉara ke vaevani maba poso ko, kota ziolo poso kasi azo ko kuevako.

Jemisi 3:2

Ako animea kiada mela ta me erekani mela ko sarueko poso sole. Melai voa maba vo pui o saruekani voko pesio kale, vo inio vo sidopu ala ni o roveani kati vailo voko pado ama saevo.

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.