1 Koriniti 13:2 - BAṈARA KO VAIRU AMA LEVELEVEO

² Aṉata Baṉara kasi azo ama bazu kai pesio ko pizato saṉa abe elou, ma abe paqumukou kiadama mutamuta kama quli ni kiadama nianiio Baṉara kasi azo ko kuevako saṉa abe elou, ma aṉata matuma oqu salala koko roveovou vatutiko ko sopu poso, melai aṉata puliama roquano salala tea, aṉata pulia quli jari nio.

1 Koriniti 13:2 교차 참조

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Matiu 17:20

Nio Jisu ta eri ma kiolake se, “Meko oqu ta matu silo inio pui me rovea. Melai tuvevo ama quli aṉata a melai bazuekou, meko oqu ko matu ta pui kokai paloasou koa matu mina kama masitadi ore ko rui, melai meta meda roveovou eri kio koa sopu kasi, ‘Vatute ni papi edolokoi!’ kimevou ni kota so kota kalou. So sole pulia quli ta tapata kopa elou mekasi.”

Matiu 21:19

Ni vota o veake kala piqi ore koa keve ko ketaketa, ni vota ota olake tu opa tava kelo voko epa. Melai voa piqi ore ta puliama voko epa melai voko leko ko kiada ikio ota va keake, so sole vota eri va kiolake voa ore, “Ṉota pui mata ṉoba tova epamatou,” va kiolake. Nio so beva kiola keru inio voa piqi ore ta ota kajaoke.

Matiu 21:21

Nio vo Jisu ta o mati tiorikake ni eri kiolake, “Aṉata a bazuemela me, meta tuvevo putomo ni pui niuniala elo nio meta me roveovou ereko aṉa a erekako iruruputo jari ama nea piqi ore kasi. Ni pui koko kiada melai meta eri kimevou koa sopu kasi, ‘Zolai ni piave ivere kale!’ ni kota so ko kalou.

Iruruputo 13:1

Ni Anitioko peuru kale ama lotu qoqono kale ta iniseana so keru kake poropita madu ni titisa madu: seta Banabasi, Simeoni (Sibi ala va kikelani), Lusiasi (Sairini ala), Manaeni (vo Herodi qavuna sase ke rapukiveni) ni Saula.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 15:14

A visi poso mela: aṉata a uria paqumuka ta meta sidopua mela ni vo Baṉara ko nianiiekato me baqumukani mela, ni meta me roveani mela tu nianiiekikinio me ṉavio kude.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

1 Koriniti 11:4

So sole voa maba vo o vararaitani ma okai pesiani vo Baṉara kasi azo ama bazu lotu padopadoilo kale bouluboulu lezu ala ta o zarazaraeva vovo lezu, vo inio vo Karisito.

1 Koriniti 12:28

Vo Baṉara ta lula o vaemela animea kiada mela me ṉaviṉavi ko zaekale voko lotu qoqono kale. Kuleto ta se apositolo madu, omuqama pado zaekale ta o vaema se poropita madu, ni zouke ala pado zaekale ta o vaema se nianiiekato ko maba madu. Koko tova ta se aqasiele ama iruruputo ko maba poso, koko tova ta se urikato ko maba poso, ni seke tauvemani edolomu, ni seke korokorotimani se lotu qoqono azaazama iruruputo kale, ni se kekai pesiani pui kekai nianiiako pesio kale.

1 Koriniti 13:1

Esa aṉata a roveovou tu kai pesio se maba madu ni mateana madu ko pesio, melai puliama aṉako roquano tea, aṉata omadeuvo ko ota kama belo ko kelakelato jari nio.

1 Koriniti 13:3

Aṉata a buarikou kiadama aṉako batiro se ozaoza kamu kasi, ni aṉata a zariekou aṉako tupu tu kota ko siqailo, melai aṉata roquano pidea lala tea kota utube ama ikio.

1 Koriniti 13:8

Roquano ta noqola kama. Melai komia kiadama quli ta kota paitou, koa pidokato ko bazu poso ni koa edoloma vekalo pesio kai pesio ko pizato, ni nianiio.

1 Koriniti 14:29

Omuqa ma zouke maba madu ta ke kasekou ko Baṉara kasi azo ama bazu ni mea kiada mela ta me didianou ni me uria kerukeruekou koa bazu kikolani tu meda ka kelou kota vo Baṉara kasi azo ma pui.

1 Koriniti 14:39

So sole a qaka ni visi poso mela, meta kai dikidauputomo vo Baṉara kasi azo ama bazu poso kaseko ni meta pui me dizaemou se keka zariani pesio ko pui ko paqumuako pesio kale.

1 Koriniti 14:4

Ako vo o pesiani maba poso pui kekai nianiiako pesio kale ta o tauveiva o ṉavi pala, melai vo okai bazutani kama vo Baṉara kasi azo ama bazu ta o rovea tauveko ko pado ama lotu qoqono sole.

1 Koriniti 15:51

Aṉata a melai bazuekou kama pado quli ko lula mutamuta kama ko evema; animeta pui meba paitou vou muli, melai so keru tovatovama kuvili ko kelaovou keru, animea kiada mela ta me besiziovou vairu ama saevo kale.

1 Koriniti 16:22

O leveziovou vo pui o roquevani vo Lekasa! Marana tha—Vaite, eṉevo Lekasa ṉa!

1 Koriniti 4:1

So sole meta kerukerueṉelomo eṉe apositolo madu ṉela ta vo Karisito nabulu ṉela pala, voko tauvezato ṉela vo o ṉelai keruani ṉela tu ṉeqai bazubazuto ko omele ama tuveano Baṉara ko.

1 Koriniti 7:19

Ako ko moveilo ni pui moveilo ta puliama koko kalo sama, melai qulepo ama quli ta ereko vo Baṉara o melati soruekako quli.

1 Koriniti 8:4

So sole koa sailao beku poso kasi ko katiziako ko kuo kale avo: animeta meqai nianiia ta koko tuveano ta vo beku ta puliala quli; ni me baqumuka ta omadeu Baṉara o kiada inio inovoana.

2 Koriniti 12:11

Aṉata kala sarube ala maba jaria rauraraurailo abe eva, melai me inio so me ilani mela ko aṉa. Ako me inio me male tu rauraelo aṉa sole, melai meta pui meba lai zolei ko aṉa. Ako aṉata pulia quli lala abe elou melai, aṉata maba pui zara kalala sea meko matuma “apositolo” madu ma kimelani kasi azo sole.

Qelesia 5:16

Ni aṉata mata eri kiala mekasi. Meta pizatomo kiada keru Tabu ala Auvana kale, nio meta pui meba erekou meko bulo kale ama ruqe ama kerukeru kokai zariako quli.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 6:3

Ni kala ta eri kiovou “Aṉata qulepoa lala,” kiovou, melai vota pulia quli maba inio vo, ta ota lipalipata o ṉavi.

Epesasi 3:4

ni so keru meme ataekou keru ko quli aṉa a rikiekako nio meta me qelou aṉako paqumuko vo Baṉara ko vatolo mutamuta kama ko evema, ko vo Karisito kale kasa ko evema.

Epesasi 6:19

Ni so jari meta me lati vararaitou aṉa, tu vo Baṉara ta o katilou aṉa ko quli aṉa a qaseko ama quli so keru a besiovou keru, tu aṉata parani putole kasa a ikou koa Uri ama Bazu ko tuveano kuleto mutamutale ko evema.

Kolosi 1:26

Koa bazu ta mutamuta kama ko eve; Baṉara ta ota ma mutake sea kiadamu lulavo ke eveni kasi, melai erisaṉa vota uria kasa o ika voko maba madu kasi.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

1 Jone 4:8

Voa maba vo pui o roquanani ta pui ovai nianiiani nio vo Baṉara, ako vo Baṉara inio vo roquano sala sole.