1 Koriniti 11:2 - BAṈARA KO VAIRU AMA LEVELEVEO

² Aṉata a mela zoleiva me ako meta me qerukeruela aṉa kiada keru ni meta me lulueka koa nianiiekato ko aṉa lula a melai bazuekema me.

1 Koriniti 11:2 교차 참조

Luke 1:6

Nioqata sidopua elo qo evake Baṉara ko vilu kasa, ni qo matu uria zorikake vo Baṉara ko bazu poso ni lojolojo poso.

1 Koriniti 11:17

Melai erisaṉa aṉata a melai bazuekou me kama quli, ni aṉata pui aba rauraemelou me, ako meko kalo meko ilusato ko padoilo kale ta matu ruqe sole.

1 Koriniti 11:22

Noi nio? Meta puliama me ṉaviko zae samela inio sai me vuatakoi ni me nozutakoi, kio? Ta so inio meta maba pui me mati koidipa vo Baṉara ko qoqono ni me quratima se olaquama maba poso, kio? Noni kiavou aṉako melati kaseko kale komi quli? Abe rauraemeloa lala inio ko me, kio? Komia meko kalo kale ta maba pui aba rauraemelou me!

1 Koriniti 15:2

Ko ikio koa Bazu koko pakiemelo ama me, pizaka noqoeko mebeta elou ta. Melai meta edolovo me ikou meko tuvevo puto inio meko tuvevo puto ta pui kopa tauvemelou me.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

1 Koriniti 7:17

Animea kiada mela ta mebeta ziovou koa uri ama kalo kale ko anime meqai evema so keru vo Lekasa Jisu o nokaemele keru anime. Komi kio koa bazu ko aṉa aqai nianiiekatako kiadama lotu qoqono poso kale.

1 Tesalonaika 1:6

Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.

1 Tesalonaika 3:6

Erisaṉa ta lula o ṉelai vaita eṉe vo Timoti mekasi azo, ni o kati kueva eṉe kasi ko zoleilo sama bazu meko oqu ni roquano ko kio sama. Vota o ṉelai bazueka eṉe ko meta me matu roqueṉela eṉe meko kerukeru kale kiada keru kio ni meta me ṉela matu zaria tu ṉela lelo eṉe, omadeuvo eṉe ṉe mela zariani mela lelo me jari.

2 Tesalonaika 2:15

So sole me, ṉe visi ni kaka poso mela, meta pizaka lojolo emo ni noqoekomo ko tuvetuve ama quli ko eṉe lula ṉe melati nianiiekikako me, eṉeko bazubazuto kale, ni so jari eṉeko rikito kale.

2 Tesalonaika 3:6

Ṉe qaka ni visi poso mela, eṉeta ṉe bazuemela me vo Lekasa Jisu Karisito ṉikale tu meta tama papariomo se utu elo ke evani lotu maba poso se pui ke luluekani ko nianiiekato ko eṉe ṉe qatimelema me.