1 Koriniti 1:7 - BAṈARA KO VAIRU AMA LEVELEVEO

⁷ Sokale avo inio meta pui nieu meqai eva kovo kiadama katizato poso Tabu ala Auvana kasi azo ama, komia taku keru so keru meme dareva keru vo animevo Lekasa Jisu Karisito kasa o elou keru.

1 Koriniti 1:7 교차 참조

Matiu 25:1

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.

Luke 12:36

omadeuvo se nabulu poso ke tarevani sevo tanala vo o vaitani bau vuato kai zomano kale azo. So keru vo o kueva ni o tubitubita keru, koa taku kale inio seta lula keta inainaova tu keva veuko ko tibulu.

Luke 17:30

So jari pado inio ko kalo avo aṉa maba a eveni lala kasa a elou keru.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

Romu 8:23

Pui koa auvana pide ama quli vo Baṉara o erekema ko kiada ikio ko tolaivako, melai anime lula me qoeni mela ko Tabu ama Auvana melai duki meda eva animeko bulo kale, animeko tareko kale vo Baṉara ko meqora poso elo tu rupasio animeko pado ama saevo kale. Ko Tabu ama Auvana ta Baṉara ko kuleto ama puaro anime kasi.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 12:13

Meta eri kimela, ta aṉata a zaraemela me edoloma lotu qoqono poso kasi azo, ako aṉata pui riteraite aba melai ike me seleni ko ranama tauvezato sole, kio? Meta akoekato saṉa ilomo koa aṉako sarueko kale avo!

Qelesia 5:5

Melai eṉeta oqu kale, ni eṉeko tuvevo puto sama kerukeru kale ni vo Tabu ala Auvana ko zuvarato kale inio eṉeta ṉebe tareka vo Baṉara ko sidopu iṉelo eṉe.

Pilipai 3:20

Melai animeko ṉisa peuru ta aukale. Ni animeta mebe tareva animevo Pakio, animevo Lekasa Jisu Karisito vo o kilo ala aukale azo.

Kolosi 3:4

Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

1 Tesalonaika 1:10

tu tareko vovo Meqora ko vaito aukale azo. Vo inio vovo Meqora Jisu, vo lula o saeviveni voukale azo tu o pakiemelou anime vo Baṉara ko korakorailo koko kilo ama kale azo.

2 Tesalonaika 1:7

ni vota o mela besitou meme niumaivani mela voko mamazo kale, ni so jari eṉe. Vota o erekou ko quli so keru vo Lekasa Jisu o puratou keru aukale azo voko piza kama mateana madu sase,

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

1 Pita 5:4

So inio meta me qovou koa ṉaṉaidara kama mamola ko pui kopa niumailo ama, Jisu animevo Raura kala Vailo ko Maba o katimelo ama vo o vaitou keru.

2 Pita 3:12

Koa keve kale inio meta me darekou vo Baṉara ko matuma ṉaniu meko tauveko kale koko barolo. So keru koa ṉaniu ko barolou keru ko au ta kota ruvurou uza kale ni kiadama quli aukale ama ta kota jojoṉou uza ko vualavuala kale.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

Jiudi 1:21

ni meta emo vo Baṉara ko roquano ko poro kale, meko tarevo kale vo animevo Lekasa Jisu Karisito tu o katimelo me ko noqola kama saevo voko akoekato sama roquano kale.