1 Koriniti 1:2 - BAṈARA KO VAIRU AMA LEVELEVEO

² mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 1:2 교차 참조

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 15:9

Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Iruruputo 18:1

Ni koko tova vasi nio Paula ta o vaekake ko Atenisi peuru ni ota olake Koriniti peuru kale.

Iruruputo 22:16

Ni erisaṉa ta noi sole inio ṉoda taruana? Zolai ni bapitaiso eve ni ṉoko sarueko poso ta kota ṉa jareruilou ṉoko vararaito vo Lekasa Jisu kasi ama kale,’ kiolake.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Iruruputo 9:13

Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.

Iruruputo 9:14

Vota o kuela Damasikasi se raura kama siama madu ko pizato ni zariekato sate tu o noqoeṉelo eṉea kiada ṉela ṉo ṉe ilusiṉani ṉela,” kiolake.

Iruruputo 9:21

Nio kiadamu seke tava viqeni vo ta keta matu vuzeike ni eri kikelake, “Nei nio vo vo Jerusalema o vouvaemeni voa Jisu ke ilusivani, kive? Ni vo tivoine o kuelani koi tu o noqoemo ni o mati vaito sea maba poso se raura kama siama madu kasi!” kikelake.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 10:12

Komi ta ko tuboemela kasemelo animea kiada mela, ako anime Jiu amu mela ni anime pui Jiu amu mela ta puliama koko edolovo sole; Baṉara inio animea kiada mela vo Lekasa vo mauru o imelani animea kiada mela ni o nokaemelani vokasi.

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

1 Koriniti 10:32

Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.

1 Koriniti 12:27

Ni mea kiada mela ta vo Karisito ko tupu mela muli, ni meta voko tupu ko kata poso mela.

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

2 Koriniti 1:1

Aṉa Paula lala, vo Baṉara lula o pitoeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Timoti sase mea Baṉara ko lotu qoqono me Koriniti peuru kale me evani mela kasi, ni mata mea kiada mela vo Baṉara ko maba madu mela sai Akaia ranama peuru poso kale me evani mela kasi.

2 Koriniti 4:5

Ako eṉeta pui ṉeqai bazubazuta ṉe ṉavi kale avo melai eṉeta ṉevai bazuta vo Jisu Karisito inio Lekasa kio, ni eṉeta meko nabulu poso ṉela vo Jisu ko kio kale sole.

Qelesia 1:2

Aṉata a rikieka komia riki me Qelesia rana me evani mela lotu qoqono poso mela kasi, ni komia riki ta mata aṉako lotu visi poso kasi azo ama ikio seke evani aṉa kasi.

Epesasi 5:26

tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

1 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko madu mela ni animevo Lekasa Jisu Karisito ko madu mela kasi. Ni aṉata a vararaita tu vo Baṉara ko roquano ni bule ta ko elou me tona.

1 Tesalonaika 4:7

Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

2 Tesalonaika 1:1

Aṉa Paula lala ta a rikieka komia leta, Sailasi ni Timoti sase, mea Tesalonaika peuru kale ama lotu qoqono mela kasi, vo Baṉara animevo Mama ko maba madu mela ni Lekasa Jisu Karisito ko maba madu mela kasi.

1 Timoti 2:8

So sole lotu iruruputo kale kiadama zaekale aṉata ama zaria se lasive amu tu seta ke vararaito, ni tabu ama kerukeru sate seta ke roveo zolaeko seko ṉase poso vararaito kale puliama korakorailo ni zolizoliekinio sate.

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

2 Timoti 2:22

Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 13:12

Sokale avo inio Jisu ta soa vou o eve Jerusalema peuru ko kupekupe tu vota o ṉaviko tabu ama maba poso o imelo anime, voko dara kale.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Kelokelozato 19:16

Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.