1 Koriniti 1:1 - BAṈARA KO VAIRU AMA LEVELEVEO

¹ Aṉa Paula lala, vo Baṉara lula o nokaeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Sosotenisi sase

1 Koriniti 1:1 교차 참조

Luke 6:13

Ni koko raneo kale inio vota o nokaemake vo ke lulueveni ni vota o pitoemake toni omuqa madu, se apositolo madu ma kioveni.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 20:21

Ni Jisu ta mata so kiola sekasi, omuqama taku kale, “Bule mekasi. Omadeuvo vo Mama o soroele aṉa jari, aṉata a joroemela me,” kiolake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 1:2

ti kobeta baroi koa ṉaniu vo Baṉara o koivievo keru vo aukale. Puliako vo koilo aukale ta vo Tabu ala Auvana ko pizato kale vota o katimake ko bazu sea maba poso vo o pitoemeni tu voko apositolo madu ke elo.

Iruruputo 18:17

So sole seta ke noqoevake vo Sosotenisi, se Jiu amu ko ilusato ko pade ko vilua pikopiko ni ke pazovake vo koa titizato ko zae ko taqo kale. Melai Qalio ta pui oka lilitake ko.

Iruruputo 22:21

Ni vo Lekasa ta eri la kiolake, ‘Ola, ako aṉata a joroeṉou matu vaṉa vasi se pui Jiu amu kasi,’ kiolake.”

Romu 1:1

Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu.

Romu 1:10

kiada keru aṉako vararaito kale. Aṉako paseto ta o ṉavi Baṉara inio ola pitoekou kama pado uri ama keve, ola zarievou tea, tu a melai baro me.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

1 Koriniti 15:9

Ako aṉata matu siloa lala sea apositolo madu kalea lala sea kiadamu kasi azo sole ni pui koko male aṉa tu apositolo ṉi lai nokaeko, ako aṉa inio a niumaekeni lala vo Baṉara ko lotu qoqono sole.

1 Koriniti 3:9

Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

2 Koriniti 1:1

Aṉa Paula lala, vo Baṉara lula o pitoeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Timoti sase mea Baṉara ko lotu qoqono me Koriniti peuru kale me evani mela kasi, ni mata mea kiada mela vo Baṉara ko maba madu mela sai Akaia ranama peuru poso kale me evani mela kasi.

2 Koriniti 11:5

Ako aṉata aqai kuirika ta aṉata maba pui zara kalala inio sea meko matuma “apositolo” madu ma kimelani kasi azo!

2 Koriniti 12:12

Koa kubo aqasiele ama urikato ni aqasiele ama iruruputo ko aṉa kiada keru a erekema mekasi ta kasa ko ika ta aṉata apositolo lala, sole ko male tu meta me duvevo pueko aṉako apositolo elo.

2 Koriniti 8:5

Eṉeta pui so pa kiṉeve, ta seta so jaria matuma katizato ke erekou! Ako kuleto seta lula ke katizia ke ṉavi vo Lekasa Jisu kasi ni voko madu keta eva; ni koko tova vo Baṉara ko vatolo ke zorika nio seta ke katizia mata eṉe kasi.

Qelesia 1:1

Aṉata apositolo Paula lala, aṉata pui maba kopa pitoeleni lala tu apositolo a elo. Melai aṉata vo Jisu Karisito ni Baṉara animevo Mama inio qo pitoele tutumazi avole tu apositolo a elo. Ni vo inio voa Baṉara vo o saeviveni vo Jisu voukale azo.

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Kolosi 1:1

Aṉa, Paula lala, Timoti sase, vo animevo visi, aṉata a joroeka komia leta mekasi. Vo Baṉara ta o pitoele aṉa tu aṉata kala apositolo Jisu Karisito vo a elo.

1 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara animevo Pakiezato ko soropato kale ni Jisu Karisito vo anime mevai keruani ko soropato kale.

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

2 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara ko vatolo kale, a joroini lala tu aqai bazuto vo Baṉara lula leveleveo o ikema saevo ko anime me qoako animeko omadeu vati elo vo Jisu Karisito kale.