1 Jone 5:9 - BAṈARA KO VAIRU AMA LEVELEVEO

⁹ Animeta tuvevo me ika maba poso ko bazu seke melai bazueka keru seke keako quli. Melai Baṉara ko bazu ta kota ka qulepa maba ko bazu, ako vo inio o melai bazueka sole ko tuvevo ama quli vovo Meqora kale avo.

1 Jone 5:9 교차 참조

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Jone 10:38

tu meko kelo kale koa iruruputo meta me uria paqumukou vo Mama ta aṉa tonala, ni aṉa melai vo Mama tona lala kio,” kiolake.

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Iruruputo 17:31

Vota lula o takumuke koa ṉaniu vo o sidopua titizikou keru ko pado ama peuru ma peuru, ni vota lula o pitoeve voa maba vo o ereko ala koa titizato. Ni Baṉara ta lula kasa o ike voko pitoevo vo kiadama maba poso kasi voa maba ko mata saevivo kale voukale azo!” kiolake.

Iruruputo 5:32

Eṉeta ṉeqai bazubazutani ṉela komi eṉe ṉe qevema quli—eṉe ni vo Tabu ala Auvana, vo Baṉara vo puaro seke zorivani vo kasi,” kikelake.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

1 Jone 5:10

Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.

1 Jone 5:8

vo Tabu ala Auvana, koa ju, ni koa dara. Ni nia zouke ta omadeuma ikio seko bazu anime kasi ama.