1 Jone 5:6 - BAṈARA KO VAIRU AMA LEVELEVEO

⁶ Ni vo Jisu Karisito inio o kuevini ni kasa o mela eveni anime voko bapitaiso ko jukale ni mata voko vou ko dara kale. Vota pui kasa opa eve ju ko kiada kale, melai vota kasa o eve koa omuqa quli kale ju ni dara kale. Ni vo Tabu ala Auvana inio o bazuemela ta komi quli ta tuvevo ama, ako vo inio vo tuveano sole.

1 Jone 5:6 교차 참조

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Matiu 3:16

Nio soa bapitaiso o evake vo Jisu ti obeta kailake inio ju ko tana topi. Koa taku kale inio ko au ta kota veukaziake vokasi, nio vota o veake vo Baṉara vo Auvana vai saqoro vo, ni voa Auvana ko velo ta ova kurou jari ala.

Maka 14:24

Nio Jisu ta mata eri kiolake sekasi, “Komia kapa vaini sama ta ko mamola pueka aṉako dara, koko rereovo ama tu ko pakiemo kubo maba poso, ni komia aṉako vou kio ko vinaeko ama vo Baṉara ko leveleveo maba poso kasi.

Luke 22:20

Ni koa omadeuvo jari, koa vuato ko tova inio vota o katimake ko kapa vaini ko ju sama, ni eri kiolake, “Komia kapa vaini ko ju sama ta ko mamola pueka aṉako dara, koko rereovo ama tu ko pakiemelo me, ni komia aṉako vou kio ko vinaeko ama vo Baṉara ko vairu ama leveleveo maba poso kasi.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 15:26

“Melai so keru voa Tauvezato o kilou keru, vo aṉa a joroevo ala mekasi vo Mama kasi azo, inio vota olai bazubazutou aṉa. Vo inio voa Tabu ala Auvana vo kasa o iko ala vo Baṉara ko tuveano.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 6:55

Ako aṉako marabau ta ṉisa sailao, ni aṉako dara ta ṉisa ju.

Iruruputo 8:36

Nio nioqako lulueko kale koa keve inio nioqata qo baroake kala pado zaekale ju ko evakoi, nio voa raura kala maba ta eri kiolake, “Kota ju. Ikoana kama quli koko tizaeko ama aṉako bapitaiso elo?” kiolake.

Romu 3:25

Vo Baṉara ta lula majibolo jaria puarivo o eve vo, tu voko voukale kiadama maba ko sarueko ta ko akoilou seko vai oqu kale vo. Koa kalo kale vo Baṉara ta kasa o ikake voko sidopu. Ako lulavo vota ota ma bouluke se lulamu ko sarueko; melai erisaṉa vota o puariva vo Jisu tu o puratiko voko sidopu. Koa kalo kale vo Baṉara ta kasa o ika voko sidopu ni vota o sidopu puema seke ṉeamuvani vo Jisu.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Kolosi 1:4

Ako eqeta lula qe viqa meko vai oqu vo Jisu Karisito ni meko roquemo kiadama vo Baṉara ko maba madu.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Taitasi 3:5

vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.

Hiburu 10:29

Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

Hiburu 12:24

Meta lula meda baroa vo Jisu kasi vo o pizatikeni ko vairu ama leveleveo vo Baṉara o erekema maba poso kasi. Voko dara ikio koko pirupusaima, ko kasa ko ikako akoekato sama roquano tu anime kaqe, koko taka qulepako vo Ebolo ko dara vaitotola sama.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 9:7

melai vo Ṉisa Siama o kiada inio o amaqea koa tepe pade ko poro kale ama Matu Tabu ama Zaekale omadeu taku omadeu sabere kale. Vota pui o utu amaqea sai, melai vota o borika biaṉa ko meqora ko dara tu vota o kativo vo Baṉara, o ṉaviko sarueko ko siqasiqa kaqe, ni vota o kati ola ko biaṉa ko dara vo Baṉara okai akoekato maba poso ko sarueko, ko se pui kai nianiio kale ke erekema sarueko poso ni pui sarueko pa ka kikevema.

1 Pita 1:2

Vo Baṉara animevo Mama ta o vatoeke lulavo ni o pitoemele me tu vo Tabu ala Auvana ta voko tabu ama qoqono mela o imelo, ni so inio vo Jisu Karisito ta bulebule o imele voko dara kale ni meta me zorive vo. Vo Baṉara ko roquano ni bule ta ko melai avoziovou me.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.