1 Jone 5:19 - BAṈARA KO VAIRU AMA LEVELEVEO

¹⁹ Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

1 Jone 5:19 교차 참조

Luke 4:6

Ni vo Setani ta eri va kiolake, “Aṉata a qatiṉou ṉo kiadama komi quli ko lekasa puo ko pizato, ni kiadama koko ṉaṉaidara. Ako koa kiadama quli ta lula aṉako ṉase topi ko katiziovi, sole aṉata a roveovou kativo ko kala maba vo aṉa a bitoevani.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Jone 16:11

Ni seta ke saruiva kerukerueko ko seta pui kepa kovou ko titizato kio, ako komia ruqe ama peuru ma peuru kale amu vo lekasa, vo Setani, ta lula ota titizia sole.

Jone 17:15

Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

Romu 8:16

O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

2 Koriniti 5:1

Ako eṉeko tupu komia miduku kale ama ta omadeuvo kama tepe pade ko eṉe puju ama taku kale ṉeqai evako jari. Ni eṉeta ṉeqai nianiia komia tepe pade eṉe ṉeqai evako ko rotiziovou keru ta vo Baṉara ta o katiṉelou eṉe ko paito pide ama saevo ko tupu o ṉavi o ereko ama, ni kota eṉeko noqola kama pade jari aukale ama peuru kale.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

1 Jone 3:14

Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.

1 Jone 3:24

Ni voa maba vo o zorikani vo Baṉara ko bazu ta Baṉara sate o evani nio. Ni Baṉara ta o eva vo sate. Eri kale inio animeta meqai nianiia ta Baṉara ta o eva anime sate. Animeta meqai nianiia Baṉara melati elo anime voa Tabu ala Auvana kale vo o katimeleni anime.

1 Jone 5:10

Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.

1 Jone 5:13

Aṉata a rikieva nea riki mekasi me tuvevo me ivani mela vo Baṉara vo Meqora kasi. Ni aṉata a mela rikita tu meta meqai nianiiovou ta erisaṉa ta meta noqola kama saevo samela.

1 Jone 5:15

Ako vo Baṉara ta o didiemela anime kiadama taku so keru me baseva keru, sole animeta meqai nianiia ta vota o katimela ko quli me basekako quli vokasi.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 20:3

Vo mateana ta ovai risatake voa matu dole matu saqoroma rosia soqili ko poro kale, ni vinavina tibuliko o evake koa soqili, tu voa matu dole ta pui mata o lipalipaekou ko peuru ma peuru kale ama qoqono poso ti kobeta paloasou ko omadeu vuro sabere. Koa taku ko tova, vota o rupasiovou kama puju ama taku kale.