1 Jone 5:18 - BAṈARA KO VAIRU AMA LEVELEVEO

¹⁸ Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

1 Jone 5:18 교차 참조

Matiu 5:37

‘Uri’ kimevou ti ‘Uri’ pala kiomo, ‘Pui’ kimevou ti ‘Pui’ pala kiomo, melai meta pui me qasekou mata kama quli, ako kama quli maulu meqai pikou, ta kota vo Setani kasi azo ko kuevako ikio sole.”

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Jone 15:4

Ni meta emo aṉa tona nio aṉata a elou me tona. Ko kata ta pui ko rovea epamato ko kiada kale kude pui ko nasoiva koa qurepi ko siakona topi tea. Omadeuvo jari nio meta pui meba roveovou epamato pui me nasoilou aṉa tona tea.

Jone 15:7

Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Jone 15:9

Aṉata a roquemela me omadeuvo vo Mama aṉa o roquela jari, so sole meta emo aṉako roquano kale.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Jone 2:29

Ako animeta meqai nianiia ta vo Karisito ta sidopu ala. So sole animeta meqai nianiia ta mata kiadamu seke erekani ko sidopu ta vo Baṉara ko meqora poso.

1 Jone 3:12

Melai animeta pui Keini jari me qalou, vota Setani vo meqora ni o vouvaeve vovo visi. O ṉavi Keini ta o erekake ruqe ama kalo, ni vovo visi Ebolo ta o erekake uri ama kalo, ni Sokale avo inio vo Keini ta o vouvaevake vovo visi.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.

1 Jone 3:9

Vo Baṉara ko meqora poso lula ke evani ta pui kiada keru ke erekani ko sarueko, ako koa vairu ama saevo vo Baṉara o katimako ta se tona, ni seta lula Baṉara ko meqora poso ke evani sole.

1 Jone 4:6

Melai animeta vo Baṉara ko mela, ni se kevai nianiiani vo Baṉara ta ke didiemelou anime, melai se pui kevai nianiiani vo Baṉara ta pui kepa didiemelou anime. Ni Sokale inio animeta memai nianiiovou seke kasekani Tabu ala Auvana ko tuveano ni seke kasekani lipalipato ko auvana kasi azo ama bazu.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

1 Jone 5:15

Ako vo Baṉara ta o didiemela anime kiadama taku so keru me baseva keru, sole animeta meqai nianiia ta vota o katimela ko quli me basekako quli vokasi.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

1 Jone 5:21

So sole a meqora poso, meta tama balauvomo se lipalipa kama baṉara poso!

1 Jone 5:4

Ako animea kiada mela vo Baṉara ko meqora poso mela ta pizato samela sole tu me qoqotaeko komia peuru ma peuru ko ruqe. Ni animeko tuvevo puevo kale vo Jisu inio animeta koqo me ikou ko peuru ma peuru.

Jiudi 1:21

ni meta emo vo Baṉara ko roquano ko poro kale, meko tarevo kale vo animevo Lekasa Jisu Karisito tu o katimelo me ko noqola kama saevo voko akoekato sama roquano kale.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.