1 Jone 5:10 - BAṈARA KO VAIRU AMA LEVELEVEO

¹⁰ Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.

1 Jone 5:10 교차 참조

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 3:18

“Vo o tuvevo puelani aṉa Baṉara vo Meqora lala ta pui opa koqotaevou vo Baṉara. Melai vo pui o tuvevo putani ta lula titititiziala, ako vota pui o tuvevo puela aṉa Baṉara vo pado Meqora lala sole.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Jone 5:38

ni meta pui meda va tukieka voko bazubazu meko bulo kale, ako meta pui me duvevo puela sole aṉa, vo o soroeleni lala.

Iruruputo 8:37

Ni vo Pilipi ta eri kiolake vokasi, “Ṉota ṉo duvevo puevou vo Jisu ṉoko pado ama bulo kale inio ṉota ṉo roveovou bapitaiso puilo,” kiolake. Nio voa maba ta o vati tiorikake, “Aṉata a duvevo pueva vo Jisu Karisito ta vo inio vo Baṉara vo Meqora,” kiolake.

Romu 8:16

O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio.

Qelesia 4:1

Aṉa kialani ta eri. Voa meqora vo o kovo ala vovo mama ko lomaloma ta o meqora inio, ni voko silo ala keru vota pui edolovo se mabaku poso kasi azo, obe ṉeamukou melai kiadama lomaloma.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Kolosi 3:3

Ako meta lula meda vovini jaria mela inio, melai meko auvana poso ta ko saeva Karisito sase vo Baṉara o mela tukiekako saevo kale.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

2 Pita 1:19

Ni komi quli kale inio animeta me rovea uria tuvevo pueko se poropita madu kikevevo. Sole uri tu me luluekou se kikevevo, ako seko bazu ikio ko bokerimelako me tu meta me bitasikou ko uri ama nianiiekato ruqe ama kale azo, kota ko juke koko taloako kutumana kale jari sole, ni koa juke ta kobeta talolou ti kobeta raneovou, ko ikio, ti obeta vaitou vo Lekasa Jisu ni me maba vai nianiiovou vo Baṉara. Kota omadeuvo raneodola ko zakaremu kobeta talolou meko bulo poso kale jari sole.

1 Jone 1:10

Melai animeta eri kimevou, “Eṉeta sarueko pidea ṉela inio,” kimevou, ta animeta mevai kuirika inio vo Baṉara ta lipalipa kala, ni animeta pui nio me duvevo pueka voko bazu.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

Kelokelozato 12:17

Voa matu dole ta okai matu korakoraivake koa rekoreko, ni o mati pazokiniake koko vikuvikula kale amu, seke zorikani vo Baṉara ko bazu poso ni kekai oquani vo Jisu o puratikema tuveano.

Kelokelozato 2:17

“Uri tu meta paqumukomo meme viqako vo Tabu ala Auvana kiolani sikeura lotu qoqono kasi! Seke koqotaeko amu ko ruqe ta a qatimou kama koko mutaima mana. Ni aṉata amai okotimou katimo sea kiadamu ko tapo ama lado, ko vairu ama ṉi kokai rikiziovima, ko puliala kala pado maba okai nianiiako melai vo o koani ko o kiada pado inio okai nianiia.