18 A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.
Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.
Melai animeta meqai pesiovou ko tuveano roquano kale ni animeta me rapukou kiadama keve kale tu Karisito jari me elo, ako animeta omadeuvo voko tupu jaria mela ni vo inio animeko lezu sole.
Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.
Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.
A meqora poso mela, aṉata a rikieva nea riki mekasi tu meta pui me erekou ko sarueko. Melai animeta sarueko me erekou, ta Jisu Karisito inio o tauvemelou. Ako vo inio sidopu ala sole o roveani mela pesio animeko kio kale, vo Mama Baṉara kasi.
A meqora poso mela, pui zariemo edolomu tu ke saruemelo me komi ko kerukerueko kale. Vo sidopu o erekani, vo inio sidopu ala, omadeuvo vo Karisito ta sidopu ala.
Aṉa lotu ko vilua pikopiko lala, ta a rikieka komia riki ṉoa pitopito ama rekoreko ṉa vo Karisito kalea laṉa kasi ni ṉoko meqora poso kasi: Aṉata tuvevo avole a roquemela mea kiada mela, ni pui aṉa a qiada melai sea kiadamu se kekai nianiiani ko tuvevo ama bazu melai ke roquemela me.
