1 Jone 3:15 - BAṈARA KO VAIRU AMA LEVELEVEO

¹⁵ Ni vo ovai kaikuapo ala vovo lolo ta o vouvatani jari ala inio, ni meta meqai nianiia ta puliala maba vo o vouvatani ta noqola kama saevo sala.

1 Jone 3:15 교차 참조

Matiu 5:28

Melai aṉata a bazuemela me, kala ta okai pazapazailou kama edoloma reko, ta vota lula ota zavemata voko kerukeru kale.

Maka 6:19

Ni so keru azo inio ko Herodiasi ta kovai kaikuapake vo Jone ni kovai zariake vouvaevo, melai kota pui ko roveake,

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Iruruputo 23:12

Ni koko raneo kale ama vikale kake Jiu amu ta ke padoivake ni ke erekake kama pado nakanakatato. Ni seta ke erekake kama pado vinavina kama kejo tu seta pui ke vuatou ni pui ke nozutou ti kobeta barolou Paula ko vouvaevo kikolako.

Iruruputo 23:14

Nio seta keta olake se raura kama siama madu kasi ni se lotu tanatanamu kasi ni eri kikelake, “Eṉeta lula ṉe ereka muli ko vinavina kama kejo tu eṉeta pui ṉe quovou kama quli ti ṉebe vouvaevou vo Paula.

Jemisi 1:15

Nio voko ruqe ama zario ko sukata keru, saruilo ta ko purata, ni voko sarueko poso, so keru koko rapuka keru, ta ko vouvaevou vo, auvana ni tupu kale.

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Jone 2:11

Melai vo ovai kaikuapani vovo lolo ta kutumana kala ni obeta talia kutumana kale, ni pui okai nianiia vo o olakoi, ako ko kutumana ta leqa ko iva vo sole.

1 Jone 2:9

Ni kala maba ta eri kiovou, “Aṉata zakaremu kale a evani lala” kiovou, melai ovai kaikuapou vovo lolo, ta obeta eva inio kutumana kale.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”