1 Jone 3:11 - BAṈARA KO VAIRU AMA LEVELEVEO

¹¹ Komi kio koa bazu anime me viqema koko tanitanila keru azo: animeta me roquekinio muli.

1 Jone 3:11 교차 참조

Jone 13:4

So sole Jisu ta o lojoake sai se kebeta vuatakoi kazo ni vota o ivikake voko topia rosia sabosabo ni o koake ko taolo ni okai luitiziake.

Jone 15:12

Komi ta aṉako bazubazu, meta matu roquekiniomo muli, omadeuvo aṉata a matu roquemela me jari.

Qelesia 6:2

Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

1 Jone 1:5

Komi kio koa bazu eṉe ṉe viqema Baṉara vo Meqora kasi azo ni eṉeta ṉe melai bazueka me: vo Baṉara ta zakaremu inio ni vokale ta maba puliama kutumana.

1 Jone 4:11

Soa matu roquemelo inio o imelani anime vo Baṉara. So sole a baerebaere poso anime melai me roquekinio muli.

1 Jone 4:21

Ni o ṉavi Jisu inio o katimele anime komia bazu, eri kikolako: vo o roquevo ala vo Baṉara ta mata o roquevou vovo lolo.

1 Jone 4:7

A baerebaere poso, animeta me roquekinio muli, ako roquano ta vo Baṉara kasi azo ko kuevako ikio sole. Ni voa maba vo o roquanani ta vo Baṉara vo meqora ni vo inio ovai nianiiani vo Baṉara.

2 Jone 1:5

Ni aṉata a bazueṉa ṉoa rekoreko ṉa, ko eri: animeta me roquekinio muli. Komia bazu ta pui vairu ama bazu, melai kota koa omadeuma bazu ko mebe viqema koko tanitanila keru azo.