1 Jone 2:6 - BAṈARA KO VAIRU AMA LEVELEVEO

⁶ Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.

1 Jone 2:6 교차 참조

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Jone 13:15

So inio aṉata a qatimelala me kama pado mamola tu meta me erekou muli omadeuvo aṉa a mela erekalama jari me.

Jone 15:10

Meta mebeta ziovou zoriko aṉako bazubazu, inio meta mebeta elou aṉako roquano kale, omadeuvo aṉata lula a zorika a Mama ko bazubazu, ni abeta eva voko roquano kale.

1 Koriniti 11:1

Meta luluekomo aṉako kalo omadeuvo aṉa a lulueva jari vo Karisito.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

1 Pita 2:21

Ni ko ikio vo Baṉara o melati nokaekema tu me erekou, ako vo Karisito ta o mela tolai me sole Ni vota o katimele kama podepodeti tu meta me luluekou vo o kaevo.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

1 Jone 2:4

Ni kala ta eri kiovou, “Aṉata avai nianiia vo Baṉara” kiovou, melai pui o zorikou vo Baṉara ko bazu, ta vota lipalipa kala, ni puliama tuveano sala.

1 Jone 3:24

Ni voa maba vo o zorikani vo Baṉara ko bazu ta Baṉara sate o evani nio. Ni Baṉara ta o eva vo sate. Eri kale inio animeta meqai nianiia ta Baṉara ta o eva anime sate. Animeta meqai nianiia Baṉara melati elo anime voa Tabu ala Auvana kale vo o katimeleni anime.

1 Jone 3:6

So sole vo o evani vo Karisito tona ta pui kiada keru o erekani ko sarueko. Melai kala ta obeta ziovo ala ereko ko sarueko ta vo inio pui o toraevani, ni pui o paqumuvani vo Karisito.

1 Jone 4:17

Ni vo Baṉara ko roquano ta ko maba puratou animeko kalo kale ta, animeta pui meba ṉalou so keru Baṉara o titizimelou keru. Animeta maba pui meba ṉalou, ako komia peuru ma peuru kale ta animeko saevo ta Karisito ko saevo jari sole.