1 Jone 2:29 - BAṈARA KO VAIRU AMA LEVELEVEO

²⁹ Ako animeta meqai nianiia ta vo Karisito ta sidopu ala. So sole animeta meqai nianiia ta mata kiadamu seke erekani ko sidopu ta vo Baṉara ko meqora poso.

1 Jone 2:29 교차 참조

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 7:18

Ako eri nio sole: vo maba vo o kasekani o ṉaviko pizato kale ta oka zaria puratiko o ṉaviko ṉaṉaidara pala. Melai vo ova zariani ṉaṉaidara puevo vo o soroeveni, ta tuvetuve ala ni puliama lipalipato sala.

Iruruputo 10:35

Seke ilusivani vo ni sidopu ke erekani ta o roquema azaazama qoqono maba poso.

Iruruputo 22:14

Ni vota eri la kiolake, ‘Se animeko taite poso vo Baṉara ta lula o pitoeṉe ṉo tu ṉota ṉoqai nianiiovou voko vatolo, nio ṉo veala vovo Sidopu ala Nabulu, ni ṉoda va viqala voko pesio.

Iruruputo 3:14

Vo inio vo Tabu ala ni Sidopu ala, melai meta mevai kaikuape vo, ni meta mevai titiovi vo Paelati ni me baseve voa maba vo vouvato ko maba ta o rupasio ni vota o besievo.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Hiburu 7:2

nio Ebarahami ta o kativake vo koko toni ama koa lomaloma poso ko, vo sai opa koema. (Kuleto ama Melekizedeki ko ṉi ko kio ni kalo ta “Sidopu ko Lekasa,” ni seta mata kevai nokaeke “Bule ko Lekasa,” ako vota lekasa o eve Selema peuru kale sole, ko Hiburu pesio kale “Bule” kekai nokaekema.)

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

2 Pita 1:4

inio vota o katimele voko matuma ni aqasiele ama puaro poso vo leveleveo o mela ikema. Ni koa puaro poso kale inio me roveovou zomano vo Baṉara o kavani jaria kalo. So inio peuru ma peuru kale ama ruqe ama zario poso ta pui ko niumaemelou me.

1 Jone 2:1

A meqora poso mela, aṉata a rikieva nea riki mekasi tu meta pui me erekou ko sarueko. Melai animeta sarueko me erekou, ta Jisu Karisito inio o tauvemelou. Ako vo inio sidopu ala sole o roveani mela pesio animeko kio kale, vo Mama Baṉara kasi.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

1 Jone 3:7

A meqora poso mela, pui zariemo edolomu tu ke saruemelo me komi ko kerukerueko kale. Vo sidopu o erekani, vo inio sidopu ala, omadeuvo vo Karisito ta sidopu ala.

1 Jone 4:7

A baerebaere poso, animeta me roquekinio muli, ako roquano ta vo Baṉara kasi azo ko kuevako ikio sole. Ni voa maba vo o roquanani ta vo Baṉara vo meqora ni vo inio ovai nianiiani vo Baṉara.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

1 Jone 5:4

Ako animea kiada mela vo Baṉara ko meqora poso mela ta pizato samela sole tu me qoqotaeko komia peuru ma peuru ko ruqe. Ni animeko tuvevo puevo kale vo Jisu inio animeta koqo me ikou ko peuru ma peuru.

3 Jone 1:11

A baerebaere ṉa, ṉota pui lulueko ko ruqe ama kalo melai lulueka ko uri ama kalo. Ako vo o erekani uri ama quli ta vo Baṉara vo inio, melai vo o erekani ko ruqe ta pui ovai nianiiani vo Baṉara sole.