1 Jone 2:27 - BAṈARA KO VAIRU AMA LEVELEVEO

²⁷ Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

1 Jone 2:27 교차 참조

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Jone 14:16

Nio aṉata a basevou vo Mama, ni vota o katimelou me kala pado Tauvezato, vo inio voa Tabu ala Auvana, vo kasa o ikani vo Baṉara ko tuveano, vo o elo ala mekasi latau ṉaniu ni ka ṉaniu. Komia peuru ma peuru kale amu ta pui ke ṉeamuva vo, ako seta pui ke vea ni pui kevai nianiia vo sole. Melai meta mevai nianiia vo, ako vota o eva me sase ni me melai me eva vo sase sole.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Jone 4:14

melai vo o nozueko ala koa ju ko aṉa a qativo ama vo ta ko koilou vuolovuolo jari vo tona kiada keru ni ko kativou ko noqola kama saevo,” kiolake.

Jone 6:45

Ako se poropita madu ta ke rikieke ko eri, ‘Kiadama maba poso, Baṉara ta o nianiiekimou!’ So sole kiadamu keta va viqani vo Mama ni ke koani ko nianiio vokasi azo ta ke kilou aṉa kasi.

1 Koriniti 2:12

Pui komia ruqe ama peuru ma peuru ko kerukeru ikio anime lula me qoako, melai animeta lula me qoani mela vo Baṉara o soroekema Auvana, tu animeta me baqumuko kiadama quli vo Baṉara lula o katimelo anime ka kiolako.

1 Koriniti 2:13

So sole animeta pui meqai bazubazuta koa vo o katimelo ama quli komia ruqe ama peuru ma peuru ko nianiio kale, melai vo Baṉara ko Auvana kale inio, so keru anime me zakaremu pueka keru voko Auvana ko tuveano se lula ke koani voko Auvana kasi.

2 Koriniti 1:21

Vo inio voa Baṉara animeko omadeu vati elo kale vo Karisito vinavina o mela ikani. Ni vo inio voa Baṉara vo o pitoemeleni anime,

Epesasi 4:21

Ako aṉata aqai nianiia ta me ṉavi nio me viqe sole voko bazu, ni meta vo tona me eve, sole aqai nianiia ta meta me viqe ko tuveano. Ni matu tuvevo ako voa tuveano ta vo Jisu inio sole.

Kolosi 2:6

Meta lula mevai nianiiovi vo Lekasa Jisu Karisito, so sole meta sidopua elo emo vo omadeu vati elo kale.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

1 Jone 3:24

Ni voa maba vo o zorikani vo Baṉara ko bazu ta Baṉara sate o evani nio. Ni Baṉara ta o eva vo sate. Eri kale inio animeta meqai nianiia ta Baṉara ta o eva anime sate. Animeta meqai nianiia Baṉara melati elo anime voa Tabu ala Auvana kale vo o katimeleni anime.

2 Jone 1:2

Ni eṉeta ṉe roquemela me koa tuvevo ama bazu ko kio kale, ako koa tuvevo ama bazu ta ko eva sole anime tona erisaṉa ni kobeta elou kiada keru.