1 Jone 2:24 - BAṈARA KO VAIRU AMA LEVELEVEO

²⁴ So sole meta tukiekomo koa bazu meko bulo kale ko meme viqema koko tanitanila kale. Ni meta me dukiekou koa bazu, ta meta vo Meqora ni Mama satea mela inio kiada keru.

1 Jone 2:24 교차 참조

Luke 1:2

Seta ke rikieke ko quli sea maba poso kuleto kekai nianiiekateni komia Uri ama Bazu ke vilu kale ke kevema quli koko tanitanila kale, ko se kekai bazubazutema eṉe kasi.

Luke 9:44

“Meta pui ukaka me ikou ko quli aṉa a melai bazueko ama quli me! Eri nio: aṉa maba a eveni lala ta ke vaelou se ruqe ama maba poso ko ṉase topi,” kiolake.

Jone 14:23

Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi.

Jone 15:7

Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Jone 6:56

Ni vo o kuovo ala aṉako marabau ni o nozueko ala aṉako dara ta noqola o elou aṉa tona ni aṉata noqola a elou vo tona.

Jone 8:25

Sole “Lala ṉa inio ko ṉo?” va kikelake. Ni Jisu ta o mati tiorikake, “Kulekuleto aṉa melati kiavevo ko tisoiko.

Pilipai 4:15

Me Pilipai mu mela ta mebe kai uria nianiia so keru aṉa a vaeke keru Masedonia ni kulekuleto aqai bazubazute keru ko Uri ama Bazu mekasi, ta puliama mata ka pado lotu qoqono ikio kopa tauvele aṉa, melai meme qiada inio me dauvele.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Hiburu 2:1

Sokale avo inio animeta me uria didieko ni varoko ko tuvevo ama quli ko lula anime me viqako vo Baṉara vo Meqora kale avo, tu animeta pui me epeilou.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

1 Jone 2:7

A roquemelania baerebaere poso mela, komia bazu aṉa a melai bazuekako aṉako mela rikito kale tu meta me erekou ta pui vairu ama bazu, kota lulavo ama ikio. Ni kota koa omadeuma soru ko meme qoema ko tanitanila keru azo. Ni ko ikio koa omadeuma bazu ko me mebe viqema.

1 Jone 3:24

Ni voa maba vo o zorikani vo Baṉara ko bazu ta Baṉara sate o evani nio. Ni Baṉara ta o eva vo sate. Eri kale inio animeta meqai nianiia ta Baṉara ta o eva anime sate. Animeta meqai nianiia Baṉara melati elo anime voa Tabu ala Auvana kale vo o katimeleni anime.

1 Jone 4:13

Ni animeta meqai nianiia ta animeta me eva Baṉara tona ni Baṉara ta o eva anime tona, ako vo Baṉara ta lula o katimela sole vovo Auvana.

1 Jone 4:15

Ni kala ta eri kiovou, “Aṉata tuvevo a iva vo Jisu ta vo Baṉara vo Meqora” kiovou, ta vo Baṉara ta o elou vo tona, ni vota o elou vo Baṉara tona.

1 Jone 4:16

So inio animeta meqai nianiia vo Baṉara ko roquano anime kasi ama, ni animeta meqai keruvou koa roquano. Ako vo Baṉara inio vo roquano sala sole, ni vo o elo ala roquano kale ta o elou Baṉara tona, ni vo Baṉara ta o elou voa maba tona.

2 Jone 1:2

Ni eṉeta ṉe roquemela me koa tuvevo ama bazu ko kio kale, ako koa tuvevo ama bazu ta ko eva sole anime tona erisaṉa ni kobeta elou kiada keru.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.

3 Jone 1:3

Ako kake aniqeko lotu tamania kale amu ta ke kuevi ni kelai bazueke sole ṉoko lulueko ko tuveano ṉoko saevo kale. Ni ko ikio ko matu zolela aṉa.

Kelokelozato 3:11

Aṉata a qilou taukavole, so sole meta pizaka noqoeko emo ko quli meme ṉeamukako so inio puliala ta opa roveovou tamela rapeko koa reketekete, ko me koqotaeko ko ruqe kale me qovo ama.

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.