1 Jone 2:22 - BAṈARA KO VAIRU AMA LEVELEVEO

²² So sole lala inio lipalipa kala? Vo inio voa maba vo eri kiolani, Jisu ta pui vo Baṉara o soroeveni Pakio inio, kiolani. Ni voa maba vo Jisu ta pui voa Pakio kiolani, vo inio vo Karisito vo kana, vo okai kaikuapani nioqa, vo Meqora ni vo Mama.

1 Jone 2:22 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:5

Ako matu kubo maba madu inio ke kilou ni eri kikevou, ‘Aṉa inio voa Pakio lala vo Baṉara o pitoeveni,’ kikevou, ni ke saruemou matu kubo maba madu.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

1 Jone 1:6

Ni animeta eri kimevou, animeta me vati lolopareani mela vo Baṉara, kimevou, saita inio mebeta saevou kutumana kalo kale, ta animeta lipalipa kamela pui me luluekani mela ko tuveano.

1 Jone 2:18

A meqora poso, komia peuru ma peuru ko paitopaito ko taku ta sipole! Meta lula me viqe ta vo o kanaevo ala vo Karisito ta o kilou. Ni matu kubo vo Karisito ko kana madu ta lula koi, so inio animeta meqai nianiia ta ko paitopaito ko taku ta sipole.

1 Jone 2:23

Ako vo pui tuvevo o ivani vo Meqora ta pui vo Mama vo inio, melai vo o ṉeamuvo ala vo Meqora ta o ṉeamuva inio mata vo Mama.

1 Jone 2:4

Ni kala ta eri kiovou, “Aṉata avai nianiia vo Baṉara” kiovou, melai pui o zorikou vo Baṉara ko bazu, ta vota lipalipa kala, ni puliama tuveano sala.

1 Jone 4:20

Ni kala ta eri kiovou, “Aṉata a roqueva vo Baṉara” kiovou, ni ovai kaikuapou vovo lolo, ta vota lipalipa kala. Ako noni kale inio vota o roquevou vo Baṉara vo pui o veani, ni ovai kaikuapou vo vovo lolo obe veani o vilu kale? Puliala inio so opa roveovou sole!

1 Jone 4:3

Melai voa auvana vo pui tuvevo o ivo ala vo Jisu ta voa auvana ta pui vo Baṉara vo Auvana, melai voa auvana ta vo Karisito vo kana vo auvana inio. Ako meta lula me viqe ta vo Karisito vo kana ta sipole inio ota puratou kio, ni erisaṉa vota lula komia peuru ma peuru kale.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 3:9

Keatini! Ako sea Setani ko vaki se ‘Eṉe inio ko Jiu amu ṉela,’ kikelani, melai seko tuveano ta pui Jiu amu, se inio aṉa a mati kilo amu mekasi ni seta ke loqunou meko kiti kasi. Nio sea kiadamu ta kelai nianiiovou ko aṉata a roquemela me kio.