1 Jone 2:20 - BAṈARA KO VAIRU AMA LEVELEVEO

²⁰ Melai meta Tabu ala Auvana samela vo Jisu o katimeleni. Sole mea kiada mela ta meqai nianiia ko tuveano.

1 Jone 2:20 교차 참조

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Maka 1:24

ni eri kiolake, “Nazareti ala Jisu ṉa! Noni ṉo iṉelo kinola inio? Ṉo queva koi tu niumaeṉelole eṉe kio? Eṉeta lula ṉeṉai nianiia ṉo ta ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Luke 4:34

“Kei! Nazareti ala Jisu ṉa, noni ṉo iṉelo kinola inio? No queva koi tu niumaeṉelole eṉe kio? Aṉata aṉai nianiia ṉota vo Baṉara vo Tabu ala Maba ṉa vo o soroeṉeni ṉa inio!” kiolake.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 3:14

Vo inio vo Tabu ala ni Sidopu ala, melai meta mevai kaikuape vo, ni meta mevai titiovi vo Paelati ni me baseve voa maba vo vouvato ko maba ta o rupasio ni vota o besievo.

1 Koriniti 2:15

Melai vo lula o koani ko Auvana, ta kokale o rovea titiziko kiadama iruruputo tu ota ka kelo koko uri ma ruqe; melai puliala maba ta opa titizivou vo.

Hiburu 1:9

Ṉota ṉo roqueka ko sidopu, ni ṉoqai kideipa ko sarueko. Sokale inio aṉa ṉovo Baṉara lala ta a bitoeṉe ṉo ni aṉata a qatiṉe ṉo raura kama raurailo ko zoleilo kokai paloasako ṉoko baerebaere poso a qatimema.”

Hiburu 8:11

Sole puliala se azo ta eri pa kiovou, ‘Vai nianiiovi vo Baṉara,’ pa kiovou voko nianiiekato kale kala vovo pakepakeo lolo kasi, ma kala vovo ṉisa peuru kale ala kasi. Ako sea kiadamu, silo amu kasi azo ti kobeta barou qole amu kasi, ta kelai nianiiovou aṉa sole.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

1 Jone 4:13

Ni animeta meqai nianiia ta animeta me eva Baṉara tona ni Baṉara ta o eva anime tona, ako vo Baṉara ta lula o katimela sole vovo Auvana.

Jiudi 1:5

Meta mebe kai nianiiani mela inio komi quli, melai aṉata aqa zaria tu melai kerukerueko me ko eri, vo Baṉara ta o saqorime se Izireli amu Ijipi azo, melai koko tova vota o vouvaemake se pui kepa tuvevo puteni.

Kelokelozato 3:7

“Ṉota eria rikito eve sai Piladelepia peuru kale ama lotu qoqono ko mateana kasi: Eri nio koa bazu koko kuevako vo Tabu ala ni Tuvevo ala kasi azo. Vo inio vo Devita ko vidulu o ṉeamukani nio so keru vo o veuka keru ko tibulu inio puliala ta o rovea tibuliko ko, ni so keru vo o tibulika keru ko inio puliala ta o rovea veuko.

Kelokelozato 4:8

Ni koa ariku saevo ama biaṉa ta varivarimuja koko zabu sama, ni koko zabu ta topi ni vima vilu sama ni pui ke mamazani kerao ipu ni ṉaniu, se eri kikelani: “Tabu ala tisoiko vo Kiadama Pizato sala Baṉara, vo koko tanitanila kale o eveni, ni vo erisaṉa obeta evani, ni vo mainio opa kilo ala,” kikelani.