1 Jone 2:11 - BAṈARA KO VAIRU AMA LEVELEVEO

¹¹ Melai vo ovai kaikuapani vovo lolo ta kutumana kala ni obeta talia kutumana kale, ni pui okai nianiia vo o olakoi, ako ko kutumana ta leqa ko iva vo sole.

1 Jone 2:11 교차 참조

Jone 12:35

Nio Jisu ta o opatake ni eri kiolake, “Zakaremu ta ko elou mekasi kama puju ama taku, so sole koa zakaremu palate, meta talimo zakaremu kale, tu ko ipu ta pui ko melai barolou me. Ako vo o taliani kutumana kale ta pui okai nianiia sai vo o ziovoa koi sole.

Jone 12:40

“Baṉara ta ota ma leqa pueke seko vilu poso tu seta pui ke kelokelozatou, ni zokele ota ma ikake seko kerukeru, tu seta pui ke paqumatou, ni seta pui ke liliziovou ni ke kilou aṉa kasi tu aṉata a urikimou se, kiola vo Baṉara,” ka kiovema.

2 Koriniti 3:14

Melai seko kerukeru ta kota ma tibuliake. Ni kobe kai baroa komia taku kale melai kama quli ta kobe tama tizaeka seko kerukeru kiada keru seke tiromika keru lulama leveleveo ko Buka, omadeuvo koa suma ta ko bouluke vo Mosese ko loilo jari. Seta pui nio ke paqumuka ko vairu ama leveleveo, ako se pui nio omadeu ke vati evani vo Karisito ta pui ke rovea paqumuko ko sole.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

2 Pita 1:9

Melai kala ta puliama ko quli sala, vota pui o uria keazatani ni vota leqa kala jari, ako vo inio vo ukaka o ikani voko lulama saqailo voko boutare kale azo sole.

1 Jone 1:6

Ni animeta eri kimevou, animeta me vati lolopareani mela vo Baṉara, kimevou, saita inio mebeta saevou kutumana kalo kale, ta animeta lipalipa kamela pui me luluekani mela ko tuveano.

1 Jone 2:10

Ako vo o roquevani vovo lolo ta o evani nio zakaremu kale, ni pulia quli ta kopa saruevou vo tu o ereko ko sarueko.

1 Jone 2:9

Ni kala maba ta eri kiovou, “Aṉata zakaremu kale a evani lala” kiovou, melai ovai kaikuapou vovo lolo, ta obeta eva inio kutumana kale.

1 Jone 3:15

Ni vo ovai kaikuapo ala vovo lolo ta o vouvatani jari ala inio, ni meta meqai nianiia ta puliala maba vo o vouvatani ta noqola kama saevo sala.

1 Jone 4:20

Ni kala ta eri kiovou, “Aṉata a roqueva vo Baṉara” kiovou, ni ovai kaikuapou vovo lolo, ta vota lipalipa kala. Ako noni kale inio vota o roquevou vo Baṉara vo pui o veani, ni ovai kaikuapou vo vovo lolo obe veani o vilu kale? Puliala inio so opa roveovou sole!

Kelokelozato 3:17

Ako meta eri kimela, ‘Eṉeta batiroa ṉela ni kubo quli saṉela, pulia quli ṉeqa lilita,’ kimela. Melai meta pui meqai nianiia ko meme evania upotuqu ni tolailo elo! Meta ozaoza kamela, ni leqa kamela.