1 Jone 1:6 - BAṈARA KO VAIRU AMA LEVELEVEO

⁶ Ni animeta eri kimevou, animeta me vati lolopareani mela vo Baṉara, kimevou, saita inio mebeta saevou kutumana kalo kale, ta animeta lipalipa kamela pui me luluekani mela ko tuveano.

1 Jone 1:6 교차 참조

Matiu 7:22

Ni titizato ko ṉaniu ko barolou keru inio kubo madu se kekai lipalipaitani ko sidopu ta eri kikevou aṉa kasi, ‘Ṉota eṉevo Lekasa ṉa! Ṉoko ṉikale eṉeta ṉe bazubazute, ni ṉoko ṉikale eṉeta ṉe rerike ko ziolo poso ni ṉe erekake kubo aqasiele ama iruruputo!’ kikevou.

Jone 11:10

Melai vota o talia ipu kale tea vota ota tupario nio, ako vota puliama zakaremu sala sole.”

Jone 12:35

Nio Jisu ta o opatake ni eri kiolake, “Zakaremu ta ko elou mekasi kama puju ama taku, so sole koa zakaremu palate, meta talimo zakaremu kale, tu ko ipu ta pui ko melai barolou me. Ako vo o taliani kutumana kale ta pui okai nianiia sai vo o ziovoa koi sole.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Jone 8:55

Meta maba pui me baqumuva vo, melai aṉata avai nianiia vo. Melai aṉata pui avai nianiia kiala tea, aṉata kala lipalipa kalala inio, me jari. Melai aṉata avai nianiia vo ni a zorika voko bazu.

1 Timoti 4:2

Koa nianiiekato lipalipa kama ta se lipalipa kamu ke erekako, seko bulo kale ama kerukeru ta vouma omadeuvo kota ko siqai jari bavi ama aeani kale, nio pui komai kuirika seko sarueko.

Jemisi 2:14

Me a lolo poso mela, pui uri tu kala ta eri kiovou, aṉata oqu salala kiovou, melai voko iruruputo poso ta pui ko kasa pueka ko oqu. Soama oqu ta maba pui kopa roveovou pakievo vo.

Jemisi 2:16

Pui uri tu meta eri ma kio se, “Baṉara ta mauru o imelou me! Olamo pade kasi suma kovole ni pa uria keazatomo!” puliako me katimo se saevo ko korotikako quli.

Jemisi 2:18

Melai esa kala ta eri kiovou, “Kala ta oqu sala, kala ta iruruputo sala.” Aṉako opato ta eri, “Ṉota pui ṉoba roveovou la kasevo kala maba vo o ṉeamukani ko iruruputo pide ama oqu. Melai aṉata aṉa kasekou aṉako oqu aṉako iruruputo kale.”

1 Jone 1:10

Melai animeta eri kimevou, “Eṉeta sarueko pidea ṉela inio,” kimevou, ta animeta mevai kuirika inio vo Baṉara ta lipalipa kala, ni animeta pui nio me duvevo pueka voko bazu.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

1 Jone 1:8

Ni animeta eri kimevou, animeta puliama sarueko samela kimevou, ta animeta meda lipalipaiva inio me ṉavi, ni animeta puliama tuveano samela.

1 Jone 2:4

Ni kala ta eri kiovou, “Aṉata avai nianiia vo Baṉara” kiovou, melai pui o zorikou vo Baṉara ko bazu, ta vota lipalipa kala, ni puliama tuveano sala.

1 Jone 4:20

Ni kala ta eri kiovou, “Aṉata a roqueva vo Baṉara” kiovou, ni ovai kaikuapou vovo lolo, ta vota lipalipa kala. Ako noni kale inio vota o roquevou vo Baṉara vo pui o veani, ni ovai kaikuapou vo vovo lolo obe veani o vilu kale? Puliala inio so opa roveovou sole!