11 Nshiku shako shilaakufula kwiinda muli ndime ayalo myaaka ilaakunungwaako kubuumi bwako.
Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.
Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.
Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.
Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.
Lyalo mwebo abana banu mulaakwikala nshiku shiinji mucishi Mwaami Lesa, Lesa wanu ncaakashomesha kupa bamashali banu bakulukulu. Mulaakwikala tibili akumamanino acishi.
Amuleke nshila shanu shakubula maano ayi mube abuumi. Amweendele munshila ya maano akunyumfwisha shintu.
Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.
