20 Ndakonkela nshila shiluleme, nshipambuki munshila shakoombolosha kululeme.
“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.
Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.
Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”
Waakunooya bweenda, shilaakukutanjilila. Na woona mashiku, shilaakukufuna. Na wabuuka, shilaakukupandako maano.
Koyeeya Lesa mumilimo yako yoonse alakwe ndyeshi akakululamikile nshila shako.
Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”
Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo.
Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.
Ulanengesha kuboolelwaamo nkusu, akunyensha mushila iluleme kweelana ambwaakashomesha.
Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.
Lyalo ulaakwishiba kucita shintu shiluleme, koombolosha cakululama alimwi cakubula kasalulushi. Nkokwaamba ayi ulaakwishiba shibotu shoonse nshooelete kucita.
Shisepo shangu nshibotu kwiinda golodi wiine wiine, Shishalwa muli ndime nshibotu kwiinda silifa wiine wiine.
Ndaya bupa bubile kuli baabo bansuni akuya bususha maanda akusungilamo buboni.
Paceebo ceeci koendela munshila sha bantu bali kabotu akukonkela nshila sha baluleme.
