Tushimpi 8:15 - Baibo Busansulushi Bwa Libuku Ili

¹⁵ Ndacafwa bamaami kweendelesha. Ndacafwa baleli kupanga milawo ibotu.

Tushimpi 8:15 교차 참조

Bene Loma 13:1

Muntu uli woonse ulyeelete kunyumfwila beendeleshi ba cishi ceebo taaku muntu ucite nkusu shakweendelesha shitakwe kuswa kuli Lesa. Beendeleshi boonse baliiwo, nguLesa wakabasala.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Isaya 1:26

Ndaakukupa boomboloshi alimwi bweenka mbuli kukataanshi, alimwi ndaakukupa beshikupanda maano bweenka mbuli kukale kale. Kuswawaawo ulaakwiitwa ayi Ndabala ya Bululami, ee, Ndabala Ishomeka.”

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

1 Makani 28:5

Mwaami Lesa wakampa baana basankwa baanji. Kuswa pali mbabo wakasala Solomoni kwaamba ayi akalele cishi ca Isilaeli, bwaami bwa Mwaami Lesa.

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

1 Baami 5:7

Ilamu wakakondwa abuumbi ndyaakatambula maswi akaswa kuli Solomoni akwaamba ayi, “Aalumbaishikwe Mwaami Lesa sunu ceebo cakupa Defedi mwaana musongo bobulya kwaamba ayi abe muleli wa mushobo unene uyu!”

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 9:17

Samwelo ndyaakabonabo Saulo, Mwaami Lesa wakamwaambila ayi, “Ngowooyu musankwa ngondakakulwiitaawo. Ulaakweendelesha bantu bangu.”

2 Makani 1:10

Anu amumpe busongo alushibo ayi nkonshe kulela bantu aba. Kwabula boobo inga ndakonsha buyani kulela mushobo wa bantu banu uyu unene bobulya?”

Kulumbaisha 2:10

Ono amukutike kucenjeshekwa uku mwebo nobamaami. Amwiilewo ciiyo apa noonse nobaleli ba mucishi ca panshi.

Tushimpi 8:16

Muleli woonse pacishi ca panshi uleendelesha kwiinda muli ndime. Abalo bacinenenene abamaloba balalela kwiinda muli ndime.

Tushimpi 29:4

Kwiinda mukoombolosha kululeme, mwaami ulalengesha cishi cakwe kushimpa, sombi uyo usuni bunene makulo, ulacimwaya.

2 Makani 1:11

Lesa wakakumbula Solomoni ayi, “Webo wasala cintu cibotu abuumbi. Tookwe kusenga buboni, bubile nabi bulemu alimwi tookwe kusenga kufwa kwa balwani bako nabi buumi bulaamfu. Sombi wasenga busongo alushibo ayi ukonshe kulela bantu bangu abo mbondakakulengesha kwaamba ayi ube mwaami wabo.