6 Webo omutolo, bona tulongolo, bonesha mbotwikala ubwesewo busongo.
Mutolo taashangi muunda wakwe paciindi ceelete. Ono pakutebula taaku ancaatebulaamo.
Muntu mutolo kuncito, ulyeelenebo amuntu shikunyonyoola shintu.
Webo omutolo, nciindi cilaamfu buyani koolete? Anu utoobuka lili kuswa mutulo twako?
Tatusuni ayi mube batolo, sombi ayi mube anga mbaabo batambula sheesho Lesa nshaakashomesha, kwiinda mulushomo abushimoyonteeka.
Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.
Sombi mwaami wakwe wakamukumbula ayi, ‘Webo omusebenshi mubiibi mutolo! Te walikwishi kwaamba ayi nebo ndatebula mpoontakwe kushanga akuyobolola mpoontakwe kuminsa?
Tulongolo ntulengwa tutacite nkusu, sombi tulabunjika shakulya sha ntuto cilimo.
Mutabi batolo, sombi amusebense cankusu. Amulibeenge amyoyo yoonse mukusebensela Lesa.
Bukata bwa mutolo bulamucaisha mwiine, ceebo taasuni kucita milimo.
Butolo bulapa koonenena, ee, muntu utacabaani ulaba shinsala.
Mutolo ulakalabo muŋanda akwaamba ayi, “Ntoolumwa nkalamu pansengwe!” Nabi ayi, “Bantu batooncaya mumikwakwa!”
Bweenka waini usasite mboopa buwe kumeeno, nabi bweenka bwiishi mbobucisisha meenso, mbweeke ubo mutolo mbwaacisisha moyo wa muntu wamutuma.
Bamwi bantu mbatolo cakufwa, cakwaamba ayi balaalilwa akulilisha.
Amubone bayuni, tabashangi, tabatebuli nabi kubika mumatala. Nakubi boobo Ishiwanu uli kwiculu ulabasanina. Sa mwebo tamuyandiki kwiinda bayuni?
Nshila ya mutolo iliswitebo mapensho, sombi nshila ya ushomeka ili anga ngumukwakwa utacite mfumpu.
Mbukaluyaluya kuteya koose bayuni mbootooyanda kucaya kabakubwene.
Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”
Kutika omwanaangu ube musongo. Ensha buumi bwako munshila iluleme.
“Kuli shilengwa shone mucishi shiniini sombi shilicenjete abuumbi.
Nkobokobo shilishi ciindi ncesheelete kuboolelamo. Ashalo mpolobe, tumimbya amatongola shilishi ciindi ncesheelete kulonga. Sombi balo bantu bangu tabeshi nsheensuni nebo neMwaami Lesa.
Maansa atolo alaletela bukandu, sombi maansa acabeene kumilimo alabilisha.
