Tushimpi 6:12 - Baibo Busansulushi Bwa Libuku Ili

¹² Bantu bataaku mbobabete batanyumfwi balaya bweendeenda kuya bubeca.

Tushimpi 6:12 교차 참조

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Tushimpi 16:27

Muntu utaaku mbwaabete ulapanga miyeeyo yakucisa babye, aalo maswi akwe alibo anga ngumulilo ukali.

Tushimpi 4:24

Kuteelesha kwaamba maswi abumpele alimwi kuteelesha kwaamba makani abubeshi.

1 Timoti 5:13

Alimwi balaba batolo akutalika kunoobalabo milyango amilyango. Teshibo ceeco ceenka, sombi balaba bafuishi, bankulwe alimwi mbeshi kwaambabo shikani nshebateelete.

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

Tushimpi 17:4

Mucita shibi ulakutika shaamba milomo ibiibi. Mubeshi ulakutika shaamba mulaka ubeca.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Kulumbaisha 59:7

Amunyumfwe shitooswa mumilomo yabo, Ncakwiila balaamba maswi ayasa anga njimipeeni. Beene balalibeca ayi, “Taaku weenga watunyumfwa.”

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

Tushimpi 11:6

Bululami bwa bantu bashomeka mbobubafuna, sombi batashomeki balacatwa kushibiibi nshebasuni.

Tushimpi 6:14

Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Tushimpi 2:12

Busongo bulaakukupulusha kunshila sha bamucita shibi. Ee, kukupulusha kubantu baamba shintu shileta mapensho.

Kulumbaisha 36:3

Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.

Kulumbaisha 10:7

Mumilomo yabo muliswitebo mashingo, bubeshi alimwi akukonga. Ee, kupilinganya abubi shilaswa mumilomo yabo.

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jelemiya 24:2

Umwi mutaanga wakalinga kucite nkuyu shibotu abuumbi, bweenka mbuli sheshilya shitaanguna kupya. Umwi wakalinga kucite shibiibi cakwaamba ayi inga tashilikwiiwo akulikwa.

1 Samwelo 17:28

Ono Eliyabu munene wakwe Defedi ndyaakanyumfwa ayi atoobandika abasankwa abo, wakamukalalila akwaamba ayi, “Ino wesitaanshi kuno? Ono washiila baani mbelele muluyanga shilya nshoobwenebo ayi nshiniini? Nditushi tumiyeeyo twako alimwi akubica kwa moyo wako. Bulya wesabo mukweebela nkondo.”

Tushimpi 10:32

Mulomo wa muntu ululeme ulishi ceelete kwaambikwa, sombi mulomo wa mucita shibi ulishibo kwaamba shibiibi.

Kulumbaisha 101:3

alimwi teshi nkasuminisheewo cintu cibiibi pameenso angu. Ndipatite micito ya bantu bafutatila Lesa. Ncakwiila tatunyumfwani abantu abo.

Tushimpi 3:32

Ceebo Mwaami Lesa ulipatite muntu utaluleme, sombi balo baluleme ulanyumfwanaabo.

Tushimpi 16:30

Uyo woonse ukamina kumeenso, ingayi utookakatila kubeca. Uyo woonse ushundumika mulomo, ingayi mucaamba cakwe muli muyeeyo ubiibi.