2 Lyalo ulaakwishiba kulilemeka, alimwi maswi ako alaakunootondesha ayi ulicite lushibo.
Musongo ulayeeya kaatana kwaamba. Nshaamba shilalengesha kusuna kukutika.
Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.
Milomo yako ilicite mise anga mbuuci, onabwiinga wangu. Mulaka wako uliswitebo mukupa abuuci. Bweema bwa shakufwala shako buli anga mbweema bwa kuLebanoni.
Musongo ulaamba shipa lushibo, sombi muluya ulaambabo shintu shitacite ncito.
Maswi a muntu ululeme alacafwa bantu baanji, sombi baluya balafwa ceebo cakubula maano.
Ndaamba milawo yanu amulomo wangu, ee, milawo yoonse iswa kumulomo wanu.
Ndanooshimika shabululami bwanu alimwi alupulusho lwanu cakupisha lisuba, nabi nshishi ampolweela.
Ndimwe mwiindaawo kuboneka kabotu pabasankwa bamwi boonse, awalo mulomo wanu ulaamba caluse mukwiinga Mwaami Lesa wamupa coolwe ca lyoonse alyoonse.
Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.
Omwanaangu kakatila kubusongo amaano akunyumfwisha shintu, utashisuminishi kwaamba ayi shikushiiye.
