5 Ba abusongo alimwi ube amaano akunyumfwisha shintu. Kuteelesha kuluba maswi angu nabi kwaasuula napaceyi.
Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.
Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.
Uyo ucana busongo ingayi ulisuni buumi bwakwe mwiine, uyo ukondwa maano akunyumfwisha shintu ulaakuswitilila.
Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.
Mwebo nobaluya, amube atulango, ee, amube amaano akunyumfwisha shintu.
Taaku bushiku mbotwakamwaalookilaawo. Tatukwe kucilekaawo kukonkela milawo yanu.
Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.
Muntu utasuni bamwi ulacitabo nshaasuni mwiine. Ulalengulula shoonse isho babye nsheebaamba ayi nshamaano.
Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.
Balwani bangu abeshikundyatilila mbaanji abuumbi, sombi nebo nshina kufutatilawo kale kwiisha kwanu.
Bantu balisumpula balancelebula lyoonsebo, sombi nebo nshifutatiliwo milawo yanu.
Myeendo yangu ilakonkelabo muntaamwa shakwe. Ndeenda munshila yakwe cakutapambookaawo, napaceyi.
Omwanaangu utanoolubaako nsheenkwiisha. Kolama milawo yangu mumoyo wako.
Busongo ncecintu ciindaawo pashintu shoonse, aboobo ulyeelete kuba abusongo. Pashintu shoonse isho nsheenga wabaasho, ulyeelete kwiilikaawo amaano akunyumfwisha shintu.
