Tushimpi 30:4 - Baibo Busansulushi Bwa Libuku Ili

⁴ Ngani wakayaawo kale kwiculu alimwi waseluka? Ngani wakacatawo kale muuwo mumapakaakwe? Ngani wakafungilishawo kale maanshi mucakufwala cakwe capeculu? Ngani wakapima mweelete kweela cishi? Ngani ushi liina lyakwe aliina lya mwanaakwe? Amundwiite na mulicite lushibo!

Tushimpi 30:4 교차 참조

Joni 3:13

Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.

Jobo 26:8

Ulafungeela maanshi mumakumbi akwe, aalo taapasukiiwo nabi lilemenwe buyani.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Dutolonomi 30:12

Toobete kwiculu nkweenga kamwiipusha ayi, ‘Ngani eshi aye kwiculu mukutuletela, tunyumfwe mbowaamba akuukonkela?’

Ciyubululo 19:12

Meenso akwe akalinga anga ngumulilo utoonyaka, kumutwi wakalinga kufwete mishini iinji. Wakalinga kulembetwe liina ilyo muntu uli woonse ndyaateshi, sombibo mwiine eenka.

Bene Loma 10:6

Ono kweelana acikani cakululamikwa pameenso akwe Lesa kwiinda mulushomo, Malembo akwe Lesa alaamba ayi, “Utaliipushi ayi, ‘Ngani eshi akaye kwiculu?’ ” (Nkokwaamba ayi nkuya mukuleta Klistu panshi.)

Dutolonomi 28:58

“Na mubule kukonkela kabotu maswi a Milawo alembetwe mulibuku ili akutalemeka liina licite bulemu alimwi liyoosha lya Mwaami Lesa, Lesa wanu,

Isaya 53:8

Bakamutola mukucaya kwiinda mukumulyatilila alimwi amukutamoombolosha cabululami. Taaku muntu eshi akaambe shalunyungu lwakwe mucishi, mukwiinga buumi bwakwe panonsengwe bwamanishikwa. Ee, nceebo cakusotoka milawo kwa bene misheesu kwakalengesha ayi oomwe.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Kulonga 6:3

Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Boomboloshi 13:18

Munjelo uyo wakakumbula ayi, “Ino liina ndyanshi ndimusuni kwishiba? Liina lyangu lilakankamika.”

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Kulumbaisha 24:2

Ceebo ngowakacilenga peculu lya lweenge, ncakwiila ngowakacikalika peculu lya maanshi.

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Matalikilo 32:29

Mpeeke wakaamba ayi, “Anebo ndwiite liina lyako.” Sombi wakakumbula ayi, “Ino ceebonshi ulisuni kwishiba liina lyangu?” Lyalo wakapa coolwe Jakobo.

Kulonga 15:10

Sombi ndimwakayoyabo linkanda lyomwi, maanshi akafwekelesha bene Ijipiti boonse. Ncakwiila bakepilabo anga nceela panshi lya maanshi ayo aloondesha.

Kulumbaisha 135:7

Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Jobo 11:7

“Sa inga wakonsha kwishiba shabushishi shakwe Lesa? Sa inga ulakonsha kwishiba peela busongo bwakwe Lesa Shinkusu shoonse?

Jobo 11:8

Busongo bwakwe mbulaamfu kwiinda peela liculu, ono webo inga wacitanshi? Kuya panshi buleendilila pamusena wabafu, ono webo inga weshibanshi?