Tushimpi 3:7 - Baibo Busansulushi Bwa Libuku Ili

⁷ Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.

Tushimpi 3:7 교차 참조

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Tushimpi 26:12

Muntu ulibeca kuba musongo kaateshi musongo ngumuluya kwiinda muluya wiinda pabaluya boonse.

Jobo 1:1

Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Tushimpi 14:27

Kuloonda Mwaami Lesa nkokantupu ka buumi ceebo kalo nkokakusha muntu mutoose twa lufu.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

2 Samwelo 12:20

Lyalo Defedi wakanyamukaawo panshi apo. Ndyaakamana kusamba, kunana mafuta akufwala shakufwala shiimbi, wakaya kumusena usalalite wa Mwaami Lesa akulambila. Mpeeke wakaya kuŋanda yakwe, wasenga ayi bamupe cakulya akucilya ingayi bamanebo kumubambila.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 23:4

Utalipenshi kuyanda kubila, tondesha busongo bwakulicata.

Tushimpi 26:5

Kumbula muluya kweelana abuluya bwakwe ceebo inga walibona ayi ngumusongo mumeenso akwe mwiine.

Tushimpi 28:11

Mubile ulalibona kucenjela mwiine, sombi mukandu ucite maano akunyumfwisha shintu ulamwishiba mbwaabete.

Tushimpi 28:26

Uyo ucinkite manungo muli nguwe mwiine, ngumuluya, sombi uyo weenda mubusongo, ulatabililwa.