2 Kwiisha kwangu kulaakukulengesha kwikala buumi bulaamfu abuumbi alimwi kulaakukulengesha kuswitilila mushintu shoonse.
Omwanaangu, kokutika nsheentookwaambila akushikonkela. Lyalo myaaka ya buumi bwako ilaakufula abuumbi.
Nshiku shako shilaakufula kwiinda muli ndime ayalo myaaka ilaakunungwaako kubuumi bwako.
Ndaakubapulusha akubapa buumi bulaamfu, ndaakubatondesha lupulusho lwangu.
Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.
Koocendela buumi kwaamba ayi ukabone bamashikulu bako. Luumuno alube pabene Isilaeli.
Bantu abo basuni milawo yanu balicite luumuno lunene alimwi taaku ico ceenga cabawisha.
Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.
Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.
Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.
Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.
Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.
Ono ceebo cakwaamba ayi bantu boonse balaakucita shiluleme, mucishi mulaakuba luumuno, ee, mulaakuboolabo tontolo kwamuyayaya.
Ulaakwikala buumi bulaamfu abuumbi alimwi ulaakunoolibo muyumu kushikila bushiku waakufwa.
Lyalo mwebo abana banu mulaakwikala nshiku shiinji mucishi Mwaami Lesa, Lesa wanu ncaakashomesha kupa bamashali banu bakulukulu. Mulaakwikala tibili akumamanino acishi.
Ono na awebo unoonyumfwila akukonkela kwiisha kwangu amilawo bweenka bwakalinga kucita iso Defedi, ndaakukupa buumi bulaamfu.”
Imfwi ngumushini wa bulemu. Kubaasho cilaamba ayi muntu ulicite buumi bululeme.
“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.
bata bakalinga kunjiisha akunoondwiita ayi, “Ulame maswi ngoontookwaambila amoyo wako woonse. Koshikonkela nsheenkwaambila, ingaawo ukabe abuumi.
