14 Ceebo mubusongo muli mpindu kwiinda amusilifa. Ndushinisho muli mpindu isotoka apagolodi.
Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.
Shisepo shangu nshibotu kwiinda golodi wiine wiine, Shishalwa muli ndime nshibotu kwiinda silifa wiine wiine.
Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?
Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.
Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.
Koshiyandoola cankusu bweenka mbooyandoola silifa, ee, koshiyandoola bweenka mbooyandoola buboni bushisitwe.
Kushomesha kwanu kulansangalasha anga ngumuntu wacana bubile buunji.
Mulawo ngomwakampa ngubotu kwiinda kupekwa shuulu sha golodi asilifa.
Busongo mbubotu anga mbuboni bwakupyana mukwiinga bulacafwa baabo bacili boomi.
