11 Omwanaangu, utanyanshi kululamika kwa Mwaami Lesa, nabi kuba amfundilishi mumoyo na kaakukalalila.
“Ulicite coolwe muntu uyo Lesa ngwaalulamika. Aboobo utanyanshi kukalalila kwa Shinkusu shoonse.
Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.
NoBaami baLesa ulicite coolwe uyo ngomupa milasho, ncakwiila uyo ngomwiisha milawo yanu yoonse.
Sombi Lesa ulatoombolosha akutondesha bukali bwakwe kwaamba ayi tutakacailwi pantu pomwi abatashomi nguwe.
Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.
Amuyeeye mbuli mbwaakapenshekwa ceebo ca lupato lunene abuumbi lwa bamucita shibi! Anu amwebo mutatyongoli akucileka kushoma.
Na watentuka muciindi ca mapensho ngayi toobeteewo muyumu mumapensho ayo.
Ono webo sunu mapensho ndyaakupolela watyongola. Ncakwiila mapensho akucitikila, sombi waloonda abuumbi.
Amwishibe kwaamba ayi Mwaami Lesa, Lesa wanu ulamululika akumupa mulandu bweenka mbuli mushali mbwaaisha bana bakwe ayi bacileke kubisha.
