1 Omwanaangu utanoolubaako nsheenkwiisha. Kolama milawo yangu mumoyo wako.
Ba abusongo alimwi ube amaano akunyumfwisha shintu. Kuteelesha kuluba maswi angu nabi kwaasuula napaceyi.
Ndasangalalila mumilasho yanu, ee, teshi nkasuulewo maswi anu.
Omwanaangu, kokutika shitookufunda baiso, akutanyansha shitokwiisha banyoko.
Teshi nkasuulewo milasho yanu ceebo kwiinda muli njiyo mwakampa buumi bupya.
Amumpe maano kwaamba ayi ndame milawo yanu, ee, kwaamba ayi nkeekonkele amoyo wangu woonse.
Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.
Ndalama maswi anu mumoyo wangu, kwaamba ayi ntanoomubishisha.
“Amukonkele cakushomeka milawo yoonse njendamupa sunu kwaamba ayi munooli boomi, mufule alimwi mukabwese cishi ico Mwaami Lesa ncaakashomesha kubamashali banu bakulukulu.
Amubone mapensho angu akumpulusha, ceebo nshilubiiko milawo yanu.
Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.
Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu
Ndeengaila anga nimbelele isowekete. Amunyandoole nemusebenshi wanu, ceebo nshilubiiko milawo yanu.
Mutakeeleshi kuluba cipangano ico Mwaami Lesa, Lesa wanu ncaakapanga amwebo. Amukonkele milawo yakwe kwaamba ayi mutakalipangili cibumbwabumbwa ca mushobo uli woonse.
Ceebo na banwa inga baluba milawo mboyaamba akusuula sheelete kupekwa baabo balyatililwa.
Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.
Sombi ndabonesha lusuno lwangu kushuulu ashuulu sha baabo bansuni akukonkela milawo yangu.
Ndaakubapulusha akubapa buumi bulaamfu, ndaakubatondesha lupulusho lwangu.
Nabi bantu babiibi baŋanga antaambo, nebo teshi nkalubeeko kukonkela milawo yanu.
Omwanaangu, konyumfwila maswi angu akusunga milasho yangu mumoyo wako.
Shintu nsheentoomwiisha, nshibotu abuumbi, aboobo mutashisoweeli, napaceyi.
Imfwi ngumushini wa bulemu. Kubaasho cilaamba ayi muntu ulicite buumi bululeme.
Kutikisha nsheeŋamba omwanaangu alimwi ukonkele citondesho ca buumi bwangu.
“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.
Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.
Kutaasuminisha ayi akushiiye, sombi waasuunge mumoyo wako.
Sa te busongo buleeta? Sa te maano akunyumfwisha shintu aloolobesha?
Busongo bwakayaka ŋanda ya mbubo akubesa macinko a njiyo ali osanwe aobilo.
