2 Mashingo taakoonshi kukucisa na taakweelete. Ee, alaba anga mbayuni balelembabo, sombi cakutekalaawo.
Ino nebo inga ndashingana buyani abo Lesa mbwaatakwe kushingana? Ino nebo inga ndalamba buyani malwesa abo Mwaami Lesa mbwaatakwe kulamba?
Nabi banshingana, mwebo munanoompa coolwe. Na bandwana, mwebo munanoobalensha nsoni. Sombi nebo nemusebenshi wanu nanoosangaletebo.
Cakalinga boobo ceebo bakeema bene Isilaeli shakulya amaanshi, alimwi bakatamba Balamu kwaamba ayi abashingane. Nakubi boobo Lesa wesu wakasandula lishingo kuba coolwe.
Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”
Mpeeke wakaambila Defedi ayi, “Ono utoosa ankooli kuli ndime, sa utooyeeya ayi ndi kabwa?” Mpomunyaawo mwine Filisiti ulya wakashingana Defedi muliina lya balesa bakwe.
Muntu wasoweka kuswa kuŋanda yakwe, ulibo anga nkayuni kaluba kucinswa ca nkako.
Ono bweenka bana ba babayuni mbobaulukaulukabo na bakushikwa paciinswa, mbweeke ubo banakashi bene Moabu mbobabete kushito sha mulonga wa Anoni.
Utoocinyumfwa, Mwaami Lesa wakupa mulandu pabamuŋanda yakwe Saulo boonse mbowakacaya peculu lya kubwesa bwaami bwakwe. Mwaami Lesa waaba bwaami bwako mumaansa amwanaako Abusalomu. Ono webo bulya wanyonyooka ceebo ca bucayi bwako!”
