Tushimpi 25:2 - Baibo Busansulushi Bwa Libuku Ili

² Mbulemu bwakwe Lesa kushisa makani, sombi mbulemu bwa bamaami kuyandoola makani ayo.

Tushimpi 25:2 교차 참조

Dutolonomi 29:29

“Kuli shintu shimwi isho Mwaami Lesa, Lesa wesu nshaakatushisa. Sombi wakatuyubulwita Milawo yakwe kwaamba ayi swebo abamulunyungu lwesu tunooikonkela kwamuyayaya.

Jobo 42:3

Mwanjipusha citoompamya kutongooka busongo bwanu bulya nebo mboontacite lushibo napaceyuubo. Ndushinisho ndakalinga kwaambabo shintu nshendatalinga kunyumfwisha, ee, kwaamba shintu shikankamanisha isho nsheentakoonshi kwishiba.

Jobo 38:4

“Sa wakalingaako ndindakalinga kuyaka lwiimbi lwa cishi? Ndwiite tubone na ulicite lushibo luunji.

Jobo 29:16

Ndakalinga mbuli mushali kubakandu, alimwi ndakalinga kucafwa beensu mumakatasho abo.

Esila 4:15

kwaamba ayi makani ayandoolwe mulibuku lya bamashali banu bakulukulu. Mulibuku ili mulaakucana kwaamba ayi ndabala inene iyi nindabala itanyumfwili alimwi yakalinga kupensha bamaami abameendeleshi. Bantu bamundabala inene iyi mbaashu kweendeleshekwa kuswabo kukalekale. Ncecakalenga ayi inyonyoolwe.

Esila 4:19

Ndakatuma bantu ayi bayandoole makani ayo ngomwakatulembela. Ncakwiila cakacanika kwaamba ayi ndabala inene ya Jelusalemu kuswabo kukalekale ngumusena wa bantu baashu alimwi beshikubusha shimfulunganya.

Jobo 40:2

“Sa webo inga wapikishanya aShinkusu shoonse? Kumbula tunyumfwe nowalinga kupikisha.”

Esila 5:17

“ ‘Ono nobaami tutoosenga ayi muyandoole makani alembetwe mulibuku lya bamaami ba mucishi ca Babiloni akubona na ncakwiila mwaami Sailasi wakapa mulawo wa kwaamba ayi Ŋanda yakwe Lesa iyi iyakwe alimwi muJelusalemu. Tutoosenga nkambo ayi mukatulwiite muyeeyo wanu pamakani aya.’ ”

Esila 6:1

Mpeeke mwaami Dalyasi wakapa mulawo kwaamba ayi bayandoole mulibuku lya bamaami ba cishi ca Babiloni.

Tushimpi 25:3

Bweenka kuya kwiculu mbokubete kulaamfu, ee, bweenka bulongolete inshi, mbweeke ubo mbotutakoonshi kwishiba miyeeyo ya bamaami.

Dutolonomi 29:28

Mpeeke Mwaami wakakalala abuumbi cakwaamba ayi wakabakusha mucishi cabo akubawaala mucishi cimwi, kweelana ambomubwene bulya.’

2 Samwelo 1:5

Lyalo Defedi wakeepusha musankwa wakamuletela nkombe ayi, “Ino weshiba buyani ayi Saulo aJonasani mwanaakwe balifwite?”

2 Samwelo 14:19

Mpomunyaawo mwaami wakeepusha ayi, “Sa Joabu wakucafwaako kubamba cikani ici?” Mwanakashi wakakumbula ayi, “Mbweeke mbocibete lushinisho ayi mwebo nkambo nobaami muli boomi, ncakwiila taaku muntu weenga wapikisha nsheenga mwaamba. Ndushinisho nguJoabu musebenshi wanu wandwiita bwakucita alimwi ngowandwiita bwakukonka boonse mbondakonka.

Tushimpi 25:27

Tacishi cibotu kulya bunene buuci akwalo kulilangweeta bulemu tacipi bulemu.

Shikushimikila 1:13

Ndakalyaaba kwaamba ayi njiye akwishiba kwiinda mubusongo shintu shoonse shicitika pacishi ca panshi. Maawe walema mukuli uyo ngwaakatupa Lesa!