Tushimpi 24:16 - Baibo Busansulushi Bwa Libuku Ili

¹⁶ Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Tushimpi 24:16 교차 참조

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Kulumbaisha 37:24

Nakubi kwaamba ayi bawa, balabuka alimwi, mukwiinga Mwaami Lesa ulaakubacafwa ayi babuke.

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Tushimpi 13:17

Shinkombe utashomeki ulaletela mapensho, sombi uyo ushomeka ulaleta luumuno.

Amosi 5:2

“Cishi ca Isilaeli cawa. Teshi cikabukeewo alimwi. Ncakwiila cacaalabo cisuukila, kwakubula aucibusha, sobwe.”

Kulumbaisha 52:5

Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.

1 Samwelo 26:10

Mpeeke wakaamba ayi, “Ncakwiila bweenka mbocibete lushinisho ayi Mwaami Lesa ngumuumi, Mwaami Lesa mwiine ulaakumutondesha bukali. Bumwi bushiku ciindi cakwe cakufwa lufu ŋanda cilaakushikila nabi ulaakuya mukufwita kunkondo.

Kulumbaisha 7:16

Bubi bwakwe bulamuboolela mwiine, bukali bwakwe bulamulokela pamutwi wakwe.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

1 Samwelo 31:4

Mpomunyaawo Saulo wakaambila shikunyamuna shakulwanisha wakwe ayi, “Kusha mupeeni wako uncaisheeko mukwiinga bantu batapalwitwe aba inga besa mukunsekanya akuncaya.” Sombi cikula bwangu uyo taakwe kucita ubo mukwiinga wakaloonda abuumbi. Mpeeke Saulo wakabwesa mupeeni wakwe mwiine akuwitaawo kawiimfwi.

Kulumbaisha 34:21

Bubi bulaakucaya babucita, aboobo balaakupekwa mulandu abo bapatite baluleme.

Kulumbaisha 79:12

Amuboosheshe mishobo imwi shishole mankanda osanwe aobilo, ceebo ca matushi ngobakalinga kumutukana noBaami baLesa.

Tushimpi 6:15

Aboobo balo mapensho alaakubapulumukilabo akubanyonyoola cakwaamba ayi kulaakubula aubafuna.

Tushimpi 24:22

ceebo bantu abo bobilo mbweshi bakabanyonyoole kabateengashite. Ino ngani wishi amapensho ngweenga baleta?

Jelemiya 8:4

Mwaami Lesa wakandwiita kwaambila bantu bakwe ayi, “Na muntu wawa, sa taabuki? Na muntu waswa munshila, sa taapiluki alimwi?

Jelemiya 18:17

Ndaakubapalanganishisha kunembo lya balwani babo bweenka mbuli muuwo wakwicwe. Lyalo ndaakubafutatila ncakwiila teshi nkabacafweewo baakupolelwa mapensho.”

Matalikilo 19:35

Aboobo bakanwisha waini ishiwabo mashiku ayo aalo. Mpeeke alakwe mwanikebantu wakaya wakumanaabo. Alimwi tabakwe kwishiba cakacitika.

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Tushimpi 13:21

Mapensho alakonkela bamucita shibi ciindi coonse, sombi kuswitilila ncilambu cipekwa baluleme.

Esekelo 7:5

“Mwaami Lesa Shinkusu shoonse waamba ayi, ‘Mapensho, ee, mapensho atoosa ayo atana kunyumfwikaawo kale.