14 Ono shiba alimwi ayi busongo bulicite mise anga mbuuci kubuumi bwako. Na wacana busongo, ingayi kunembo lya buumi bwako koonse kwatuba akulangila kwako teshi kukeelebo munshila.
Na wacita boobo ulaakulangila shintu shimwi kunembo. Ncakwiila kulangila kwako uko teshi kukeelebo munshila, sobwe.
Ceebo ulaakuba musongo alimwi lushibo lulaakukuletela kukondwa.
Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.
Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.
Maswi anu alicite mise abuumbi mumulomo wangu, ncakwiila alicite mise kwiinda buuci.
ceebo shilakondelesha na washibika mumoyo akunooshaamba shoonse pamulomo wako.
Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.
Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”
Maswi a nkumbu ali anga nimpuma sha buuci. Alicite mise kubuumi alimwi alacafwa mubili kuba kabotu.
