Tushimpi 22:5 - Baibo Busansulushi Bwa Libuku Ili

⁵ Munshila sha bamucita shibi mulipilingenebo myuumfwa atoose. Sombi uyo usuni buumi bwakwe ulekala kulaale a nshisho.

Tushimpi 22:5 교차 참조

Tushimpi 15:19

Nshila ya mutolo iliswitebo mapensho, sombi nshila ya ushomeka ili anga ngumukwakwa utacite mfumpu.

1 Joni 5:18

Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.

Tushimpi 16:17

Nshila ya baluleme ilaseesha bubi. Uyo woonse ulilama munyendelo, ulalama buumi bwakwe.

Tushimpi 19:16

Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Tushimpi 13:15

Maano akunyumfwisha shintu alalengesha muntu kulemekwa, sombi batashomeki bali munshila yakunyonyoolwa.

Jobo 18:8

Wenjila mubukonde, lyalo myeendo yakwe yacatwa.

Tushimpi 13:3

Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Joshuwa 23:13

amukeshibe ayi Mwaami Lesa, Lesa wanu teshi akatandeewo mishobo iyo kunembo lyanu. Sombi balaakuba anga ntoose alimwi balaakunoocisa bweenka bucisa ciswepu mumusana nabi myuumfwa mumeenso, kushikila noonse mukaloobe mucishi cibotu cino cakamupa Mwaami Lesa, Lesa wanu.

Tushimpi 22:4

Kulibombya akuloonda Mwaami Lesa, nkokuletela bubile, bulemu abuumi bulaamfu.

Tushimpi 29:6

Mucita shibi ulacatwa mushibiibi shakwe mwiine, sombi ululeme uleembabo akusangalala.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.