7 Lunkutwe lwa bamucita shibi lulabacaisha beene, ceebo balakaka kucita shintu shiluleme.
Uyo ukonkela shiluleme alimwi ucite nkumbu, ulacana buumi, bululami abulemu.
Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.
Sombi baishi balaakufwita shibiibi shabo beene ceebo bakalinga kucenjeeka, kupamba akucita shintu shibiibi pakati ka bene mishaabo.
Ndaakumutanda kuswa pameenso angu bweenka mbuli mbondakacita bamakwabanu bene Efuleemu. Nebo neMwaami Lesa ndaamba!”
Coolwe cilapekwa kumuntu ululeme, sombi maswi a mucita shibi alashisa mibo yakwe ya lunkutwe.
Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.
Bubi bwakwe bulamuboolela mwiine, bukali bwakwe bulamulokela pamutwi wakwe.
Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.
