3 Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.
Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.
Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.
Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.
Paceebo ceeco, kusuna Lesa amoyo woonse, amiyeeyo yoonse, ankusu shoonse alimwi akusuna mubyo bweenka mbuli mboolisuni omwiine, kukonkela milawo iyi yobilo, ncibotu abuumbi kwiinda kutola shipo shakutenta nabi shipo shimwi shoonse kuli Lesa.”
Nshintoomukalalila ceebo ca milambu imwi, nabi milambu yakutenta iyo njemubenga lyoonse kunembo lyangu.
Ono ndakaamba ayi, “Amubone, ndime pano, ndesa bweenka mbokulembetwe pali ndime mulibuku lya Milawo.
“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.
