23 Uyo ulama mulomo amulaka wakwe ulalitabilila kumapensho.
Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.
Nshewaamba shilakonsha kukupa buumi nabi kukucaisha, ee, muntu ulyeelete kutambula shisepo sha maswi ngwaamba.
Na kuli muntu uyeeya ayi ulapaila Lesa, ono kaalilwa kulicata mukwaamba, ingayi kupaila kwakwe taaku mbokubete alimwi utoolibecabo mwiine.
Mucita shibi ulalicatisha mukoose ka maswi akwe abiibi, sombi muntu ushomeka ulalikusha mumakatasho.
Apo paambwa maswi aanji tapabulilili kubisha, sombi uyo uumuna ngumusongo.
NoBaami baLesa, amubike shikulindilila pamulyango wa mulomo wangu. Ncakwiila mutansuminishi kwaamba maswi abiibi.
Nshila ya baluleme ilaseesha bubi. Uyo woonse ulilama munyendelo, ulalama buumi bwakwe.
