20 Mumaanda a basongo muli shakulya shibotu shiinji amafuta aanji, sombi muluya ulalita limwi shoonse nshaacite.
Bamuŋanda yakwe balaakuba abuboni buunji, ndushinisho bamuŋanda yakwe balaakunooluleme lyoonse alyoonse.
Paceebo ceeco na Lesa wapa muntu bubile abuboni akumulengesha kwaamba ayi asangalale muli nshisho, ulyeelete kulumba akusangalala mushintu nshaakayuwila. Ici ncipo kuswa kuli Lesa.
Busongo mbubotu anga mbuboni bwakupyana mukwiinga bulacafwa baabo bacili boomi.
Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.
Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.
Jesu wakaambila bashikwiiya bakwe ayi, “Kwakalinga musankwa mubile wakalinga kucite shikulama buboni. Bantu bakaluula muntu uyo ayi utoonyonyoola buboni bwakwe.
Ndyaakamana kunyonyoola buboni, mucishi ico mwakaba nsala inene abuumbi, lyalo wakatalika kupenga.
Mwebo mulamambila shakulya balwani bangu kabambwene. Mulantambula akumpa bulemu bwa muntu wakatambwa kukusekelela, alimwi akususha nkomeshi yangu cakusempooka.
Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.
Lyalo bamyooye baluya bakaambila babyabo bacenjete ayi, ‘Amutucafweko mafuta anu ceebo malampi esu atooyanda kushimika.’
Sombi bali likumi bakaambila Ishimaeli ayi, “Utatucaayi swebo! Tulicite witi, bale, mafuta a olifi alimwi abuuci shishisitwe mumuunda.” Aboobo balo wakabaleka taakwe kubacaila pantu pomwi ababyaabo, sobwe.
Kusekelela kulalengesha kuseka, waini ulasangalasha moyo, sombi maali ngaaleta shoonse ishi.
Teshi akacibonewo cakusangalala mububile mbwaakayuwila. Ndushinisho teshi akakondweleemo amumpindu ya makwebo akwe.
Lyalo ulaakuluka bubile mbwaakamina. Lesa ngweshi akalengeshe ayi aluke bubile ubo mbwaakeepa.
Ndaya bupa bubile kuli baabo bansuni akuya bususha maanda akusungilamo buboni.
Bubile ncilambu ca basongo, sombi buluya bulashala buluyanyina.
Kulibombya akuloonda Mwaami Lesa, nkokuletela bubile, bulemu abuumi bulaamfu.
