Tushimpi 20:3 - Baibo Busansulushi Bwa Libuku Ili

³ Cilapa bulemu kumuntu kutasuna nkondo, sombi muluya ulafwambaana kutalika kwaambana.

Tushimpi 20:3 교차 참조

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Tushimpi 17:14

Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Tushimpi 19:11

Muntu ucata caamba ngumusongo, kusuula shilubo nshaacitilwa kulamuletela bulemu.

Tushimpi 14:29

Muntu ushiite caamba ulatondesha ayi ulicite maano akunyumfwisha shintu, sombi muntu ucite kamoyo kaniini ulalitondeshabo buluya.

Jemusi 4:1

Anu cilengesha kulwana akwaambana pakati kanu nciinshi? Sa te njimiyeeyo yakuyandishisha kulikondelesha iyo ilwana muli ndimwe?

Tushimpi 18:6

Maswi a muluya alamutola mumapensho. Mulomo wakwe ulamulengesha kuumwa.

Jemusi 3:14

Ono na mumyoyo yanu muli munyono uyoosha alimwi akulisuna, mutacoboli lushinisho kwiinda mukulilumbaisha ayi muli basongo.

Tushimpi 21:24

Muntu shikulisumpula alimwi ulyuuma mucaamba wiitwa ayi, “Shikucelebula,” ngumuntu ucita shintu shakulisumpula lyoonsebo.

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

2 Baami 14:9

Sombi Jeowashi mwaami wa bene Isilaeli wakakumbula ayi, “Kwakalinga cikupu ca myuumfwa muLebanoni ico cakatuma nkombe kucisamu ca sida ayi, ‘Suminisha mwanaako mwanakashi ayi njebele mwanaangu musankwa.’ Mpomunyaawo munyama wa muluundu wakacilyaatoola cikupu ca myuumfwa cilya.

Matalikilo 13:7

Alimwi kwaambana kwakatalika pakati ka beembeshi bakwe Abulamu abakwe Loti. Paciindi ico bene Kenani abene Pelisi abalo bakalinga kunoocikala mucishi ceenka ico.

Matalikilo 13:8

Aboobo Abulamu wakaambila Loti ayi, “Patabi kwaambana pakati kako anebo, nabi pakati ka beembeshi bako abaangu ceebo tuli bamukowa.

Tushimpi 26:17

Shikwiindabo uyo unjila mumakani ngaacanabo, ulibo anga ngumuntu ucata kabwa kumatwi.