1 Waini ulalengesha muntu kusebaana! Bwalwa bulalengesha muntu kubweka! Uyo woonse upisha mutwi muli mbubo ngumuluya.
Mwaami Lesa waamba ayi, “Waini upya alimwi aukulukulu utoomana bantu bangu maano akunyumfwisha shintu.
Amucileeke kukolwa uko kweshi kukamunyonyoolebo, sombi amusushikwe aMushimu Usalashi.
Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.
“Lemwelo, kunwa shilengesha kukolwa teshi cintu cibotu kubamaami. Kunwa waini teshi cintu cibotu kuli mbabo, ncakwiila teshi cintu cibotu baleli kuba anyotwa ya bwalwa.
beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.
lunkumbwa, bucakolwa alimwi ashimwi sha mushobo wooyu. Ntoomucenjeshaako ono bweenka mbuli mbondakamucenjeshawo kale ayi abo bacita sha mushobo wooyu teshi bakenjileewo muBweene bwakwe Lesa.
Mpomunyaawo Defedi wakeeta Uliya ayi ese alyaakwe cakulya ca macolesha. Lyalo wakamukolesha bwalwa. Sombi abwalo bushiku ubo Uliya taakwe kuya kuŋanda yakwe, wakoona pampasa yakwe pakati ka basebenshi ba mwaami wakwe.
Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”
Mapensho kubaabo baambwa busankwa pawaini! Ee, abo batacite boowa na caamba kusenkanya shakunwa shikali!
Bushiku bwakusekelela bwa mwaami, bantu abo bakalengesha mwaami abacinenenene bakwe kukolwa. Mpeeke mwaami wakalinjishabo mulikoto lya baabo bakalinga kumupingite.
Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”
“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.
Utapaankani abeshikunwa bunene waini nabi bantu balya bunene nyama.
Waini ulacenjeeka! Balyabi balalisumpula alimwi tabakalikani. Tabakuti bweenka musena wa bafu mbootakuti. Nceceeco ncebakomena mishobo yoonse akutola busha bantu ba njiyo boonse.
Mapensho kuli baabo bafuminabo kuyandoola shakunwa shikali. Ee, abo banwa cakwipisha lisuba kushikila shabakola cakwiindilila.
