7 Lakwe ngoolengesha baluleme kukoma alimwi ndiyawo lya baabo batacite kampenda.
“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.
NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.
Ceebo muMalembo Lesa ulaamba ayi, “Ndaakunyonyoola busongo bwa basongo alimwi ndaakulobya maano abantu bacenjete.”
Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.
Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.
Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.
Muli nguwe momushisitwe bubile boonse bwa busongo alimwi alushibo.
NguLesa wangu shilusuno alimwi moonjuba, lilinga lyangu alimwi ngomupulushi wangu. Ncakwiila ndiyawo lyangu ilyo lintabilila. Ngookoma mishobo imwi akwiibika mumaansaangu.
Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.
Ndapa maano bantu akupansaanya bubi abubotu. Ndicite maano akunyumfwisha shintu alimwi ndi muyumu.
Taaku munyama mukali wiinda nshila isho. Taaku nkalamu nabi yomwi iinda muli nshisho.
Ndalilila Mwaami Lesa ayi ancaafwe, alakwe ulankumbula kuswa kukalundu kakwe kasalalite.
